پاکستان مسلم لیگ ن کی رہنما عظمیٰ بخاری نے کہا ہے کہ مریم نوازکی توہین کی اجازت نہیں دیں گے یہ ہماری ریڈ لائن ہے۔
سابق رکن پنجاب اسمبلی عظمیٰ بخاری نے اپنے جاری کردہ بیان میں کہا کہ ہمارے دور میں کوئی سیاسی قیدی نہیں ہوگا۔
انہوں نے کہا کہ مریم نواز کی توہین کی اجازت نہیں دیں گے یہ ہماری ریڈ لائن ہے، عوام کی خدمت کیلئے مریم نواز کی قیادت میں کام کریں گے، مہنگائی کم اور روزگار فراہم کرنا ہمارا منشور ہے۔
عظمیٰ بخاری نے مزید کہا کہ آج رمضان پیکج کا اعلان کیا جائےگا، عام آدمی کو ریلیف پہنچانے کیلئے جو ہوسکا کریں گے۔
واضح رہے کہ وزیر اعلیٰ پنجاب کا انتخاب آج ہوگا جس میں مسلم لیگ (ن) کی امیدوار مریم نواز اور سنی اتحاد کونسل کے رانا آفتاب احمد خان مدمقابل ہوں گے۔
پنجاب اسمبلی کا ایوان اس وقت 327ارکان پر مشتمل ہے، ن لیگ کو اس وقت 224 ارکان کی حمایت حاصل ہے جبکہ سنی اتحاد کونسل کے پاس 103 ارکان ہے، تاہم قائد ایوان کے لئے 186 ارکان کی اکثریت حاصل کرنا ہوتی ہے۔
اجلاس سے قبل ن لیگ کی مشترکہ پارلیمانی پارٹی کا اجلاس ہوگا جبکہ سنی اتحاد کونسل بھی اجلاس سے پہلے پارلیمانی پارٹی کا اجلاس کریں گے۔
یاد رہے کہ مسلم لیگ (ن) کے اراکین اسمبلی نے مریم نواز کے کاغذات نامزدگی جمع کروادیے، تاہم سیکرٹری پنجاب اسمبلی چوہدری عامر حبیب نے انکے کاغذات وصول کیے۔
سنی اتحاد کونسل کے رانا آفتاب احمد خان نے بھی کاغذات نامزدگی جمع کروادیے جبکہ کاغذات نامزدگی سیکریٹری پنجاب اسمبلی چوہدری عامر حبیب نے وصول کیے۔
بعد ازاں اسپیکر پنجاب اسمبلی ملک محمد احمد خان نے کاغذات کی جانچ پڑتال کی اور اسکروٹنی کے بعد دونوں امیدواروں کے کاغذات قواعد وضوابط کے مطابق درست قرار دے دیے۔
اسپیکر پنجاب اسمبلی نے اعلان کیا کہ وزیر اعلیٰ پنجاب کا انتخاب آج صبح 11 بجے ہونے والے اجلاس میں ہوگا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News