پشاور: پنجاب میں پاکستان تحریک انصاف (پی ٹی آئی) نے ن لیگ پر بندے توڑنے کا الزام لگا دیا۔
پی ٹی آئی کے رہنما میاں اسلم اقبال نے میڈیا سے گفتگو کرتے ہوئے کہا کہ وفاداریاں تبدیل نہ کرنے والوں کا نوٹیفکیشن منسوخ کیا جارہا ہے، ن لیگ کہہ رہی ہے کہ ار آو کے ذریعے ہمارے ساتھ شامل ہو جاؤ ورنہ نوٹیفکیشن کینسل کر دیا جائے گا، ہمارے مینڈیٹ کا احترام کیا جائے۔
انہوں نے کہا کہ ایک دوسرے کی کرپشن کی باتیں کرنے والے الیکشن کے بعد ایک ہوگئے ہیں، یہ پی ڈی ایم ٹو آ رہا ہے، ان سے عوام کو کوئی ریلیف نہیں ہے، سولہ ماہ میں انہوں نے کیا کچھ نہیں کیا جو اب کرنا ہے، انہوں نے ہر ادارے کو تباہ کیا ہے، ریاستی اور پبلک ادارے سمیت سب کو تباہ کیا، پی آئی اے اور ریلوے خسارے میں چلا گیا، اسمبلی میں یہ ساری چیزیں بیان کریں گے۔
پی ٹی آئی رہنما نے کہا کہ چور اگر بیٹھا دیا جائے گا تو ملک کیسے چلے گا، ن لیگ، نگران حکومت اور الیکشن کمیشن سے مطالبہ ہے کہ عوام نے مینڈیٹ دیا ہے اب حکومت کرنے دیا جائے، صوبوں میں ہماری سیٹیں واپس کی جائیں، ہم پرفارمینس دیں گے تو عوام ووٹ دے گی نہیں کریں گے تو نہیں دیں گے۔
اسلم اقبال نے مزید کہا کہ خان صاحب نے جو بیان دیا کہ ہم اب آگے کی طرف جائیں گے، جو زیادتی کی گئی ہے اس پر جوڈیشل کمیشن بننا چاہیے، ہمارا کسی سے ذاتی کچھ نہیں، ہمیں اپنی عدالتوں پر اعتبار ہے، ہم سب اکٹھے ہو کر اپنے ممبرز کے نمبرز بھی دیں گے، آج کی تاریخ تک بیلٹ پیپرز چھپ رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News