پیپلزپارٹی اور ن لیگ میں ڈیڈ لاک برقرار؛ پاور شیئرنگ پر بات آگے نہ بڑھ سکی

فہد

20th Feb, 2024. 10:57 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیپلزپارٹی اور ن لیگ میں ڈیڈ لاک برقرار؛ پاور شیئرنگ پر بات آگے نہ بڑھ سکی

پاکستان پیپلز پارٹی اور مسلم لیگ ن میں ڈیڈ لاک برقرار ہے، پاور شیئرنگ پر بات آگے نہ بڑھ سکی، ن لیگ پی پی کو کابینہ میں شامل کرنے پر راضی نہ کرسکی۔

ذرائع ن لیگ نے بتایا ہے کہ پیپلز پارٹی نے قومی اسمبلی میں اسپیکر، پنجاب میں گورنر کا عہدہ مانگ لیا جبکہ ن لیگ معاہدے کے بغیر دونوں عہدے دینے کو تیار نہیں۔

ذرائع کے مطابق ن لیگ اور پیپلز پارٹی میں اصولی اتفاق ہوا ہے کہ آصف زرداری صدر پاکستان اور شہباز شریف وزیراعظم ہوں گے جبکہ چیئرمین سینیٹ ن لیگ سے ہوگا۔

ذرائع کا کہنا تھا کہ ن لیگ نے پیپلز پارٹی کو کے پی میں گورنر شپ دینے کی پیشکش کی جبکہ پنجاب سے معذرت کرلی، پیپلز پارٹی پہلے مرحلے میں وفاق اور پنجاب میں وزارتیں نہیں لے گی۔

یہ بھی پڑھیں: پیپلز پارٹی نے وفاقی کابینہ میں شمولیت کی خبروں کی تردید کردی

ذرائع نے بتایا ہے کہ ن لیگ کا پیپلز پارٹی پر کابینہ میں شمولیت پر مسلسل زور جاری ہے، تاہم مذاکرات کا چھٹا دور آج ہونے کا امکان ہے۔

ذرائع ن لیگ نے مزید کہا کہ فریقین کسی نتیجے پر پہنچنے کی کوشش کریں گے۔