کسی کو سیاسی قیدی بنانا ن لیگ کی سوچ نہیں، ایاز صادق

ویب ڈیسک

25th Feb, 2024. 03:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کسی کو سیاسی قیدی بنانا ن لیگ کی سوچ نہیں، ایاز صادق

پاکستان مسلم لیگ (ن) کے سینیئر رہنما ایاز صادق نے کہا ہے کہ کسی کو سیاسی قیدی بنانا ن لیگ کی سوچ نہیں۔

سابق اسپیکر قومی اسمبلی سردار ایاز صادق نے لاہور میں میڈیا سے گفتگو کرتے ہوئے کہا کہ شہباز شریف ملک کے اگلے وزیر اعظم ہوں گے۔

انہوں نے کہا کہ پیپلز پارٹی نے قانون سازی میں سپورٹ کرنے کا کہا ہے اور حکومت کو قومی اسمبلی میں بھی ووٹ دینے کا کہا ہے۔

ایاز صادق نے کہا کہ ہم کسی سے کوئی بدلہ نہیں لینا چاہتے، کسی کو سیاسی قیدی بنانا ن لیگ کی سوچ نہیں۔

لیگی رہنما کا کہنا تھا کہ پاکستان مضبوط ہوگا تو سب مضبوط ہوں گے، پاکستان اب نقصان نہیں اٹھا سکتا۔

انہوں نے کہا کہ قومی اسمبلی میں ہمارے نمبر 200 کے قریب ہوں گے، الزام تراشی کے بجائے سب کو ساتھ لے کر چلیں گے۔

ایاز صادق نے مزید کہا کہ جو اسمبلی میں رہ کر گئے ہیں ان کی خواہش ہے مل کر پاکستان کو مشکل سے نکالیں، ہم کسی سے کوئی بدلہ نہیں لینا چاہتے، 2018 سے 2022 تک جو دیکھا گیا اس پر نہیں چلنا چاہتے۔