پشاور: پاکستان مسلم لیگ (ن) نے دوسری اپوزیشن جماعتوں کے ساتھ مل کر خیبرپختونخوا اسمبلی میں بھرپور اپوزیشن کا کردار نبھانے کا فیصلہ کیا ہے۔
پاکستان مسلم لیگ (ن) خیبرپختونخوا کی پارلیمانی پارٹی کا اہم اجلاس منعقد ہوا جس کی صدارت ن لیگ کے صوبائی صدر انجینئر امیر مقام نے کی۔
پارلیمانی پارٹی کے اجلاس میں ن لیگ کے نومنتخب 9 صوبائی اسمبلی ارکان نے شرکت کی۔
اجلاس میں انجینئر امیر مقام نے اراکین اسمبلی کو پارٹی لیڈر شپ کی طرف سے مبارکباد دی۔
دوران اجلاس امیر مقام نے کہا کہ پاکستان مسلم لیگ ن دوسری اپوزیشن جماعتوں کے ساتھ مل کر خیبرپختونخوا اسمبلی میں بھرپور اپوزیشن کا کردار ادا کرے گی۔
واضح رہے کہ خیبر پختونخوا اسمبلی کا پہلا اجلاس 28 فروری کو طلب کرلیا گیا، تاہم گورنر خیبرپختونخوا کی جانب سے اسمبلی کا اجلاس دن گیارہ بجے طلب کیا گیا۔
اجلاس میں نومنتخب اراکین اسمبلی حلف اٹھائیں گے اور اسپیکر کے پی اسمبلی مشتاق غنی نومنتخب اراکین سے حلف لیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News