جنوبی وزیرستان میں پاک فوج کے زیر نگرانی شجرکاری مہم کا آغاز ہوگیا۔
جنوبی وزیرستان کی آب و ہوا اور زمین، جنگلات کی افزائش کے لیے انتہائی موزوں ہے، جنوبی وزیرستان مِیں 95 ہزار ایکڑ رقبے پر جنگلات موجود ہیں۔
ماہرین جنگلات اور علاقہ مکینوں کی دیرینہ خواہش پر پاک فوج اور محکمہ جنگلات کے باہمی تعاون سے لدھا، کانی گرم، تیارزہ اور مکین میں شجرکاری مہم کا آغاز ہوگیا۔
پاک فوج کی مدد سے غیر مفید درختوں کی جگہ 120 ایکڑ رقبے پر چلغوزے کے 50 ہزار پودے لگانے کا آغاز کر دیا گیا۔
چلغوزے کے ایک ایکڑ جنگل سے سالانہ 10 لاکھ روپے تک کا معاشی فائدہ ہو سکتا ہے۔
شجرکاری مہم میں پاک فوج، مشران، لوکل گورنمنٹ، اساتذہ اور طلبہ نے بڑھ چڑھ کر حصہ لیا۔
زیتون کے جنگلات پر پاک فوج کی جانب سے 70 ہزار درختوں کی مفت پیوند کاری بھی کی جارہی ہے۔
جنگلات کی حفاظت اور لکڑی کی کٹائی کی روک تھام کے لیے بھی پاک فوج اور محکمہ جنگلات دن رات مصروف عمل ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News