وفاقی وزیر خزانہ محمد اورنگزیب کا کہنا ہے کہ ملک میں سودی نظام کے خاتمے کا مرحلہ وار سلسلہ جاری ہے۔
تفصیلات کے مطابق قومی اسمبلی کے اجلاس سے خطاب میں وزیر خزانہ محمد اورنگزیب نے اراکین قومی اسمبلی کو بتایا کہ ملک سے سودی نظام کے خاتمے کا سلسلہ مرحلہ وار جاری ہے۔
قومی اسمبلی اجلاس سے خطاب میں وفاقی وزیر خزانہ نے کہا کہ بہت سی بینکوں کی برانچز اسلامک بینکنگ میں تبدیل ہو چکی ہیں۔
انہوں نے کہا کہ ملکی زرمبادلہ کے ذخائر مستحکم ہیں۔
وفاقی وزیر نے کہا کہ ملک سے سودی نظام کے خاتمے کا مرحلہ وار سلسلہ جاری ہے، اور اس حوالے سے اسلامی شریعت کورٹ نے سود کے خاتمے سے متعلق ٹائم فریم دیا ہے۔
انہوں نے کہا کہ ملکی اسٹاک ایکسچینج بلند ترین سطح پر ہے، آئی ٹی میں ہمیں کسی کی مدد کی ضرورت نہیں ہے، ہماری آئی ٹی ایکسپورٹ 2 ارب ڈالر سے بڑھ چکی ہے۔
وفاقی وزیر خزانہ نے کہا کہ ہمیں اس وقت آئی ایم ایف پروگرام کی ضرورت ہے، لیکن ہمیں آنے والے وقت میں آئی ایم ایف پروگرام سے نکلنا ہو گا۔
وفاقی وزیر خزانہ محمد اورنگزیب نے مزید کہا کہ دوست ممالک بھی پاکستان میں سرمایہ کاری کر رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News