اسلام آباد: پارلیمنٹ کا مشترکہ اجلاس 16 اپریل کو بلانے کا فیصلہ کر لیا گیا ہے، تاہم صدر مملکت آصف علی زرداری پارلیمنٹ کے مشترکہ اجلاس سے خطاب کریں گے۔

ذرائع کے مطابق صدر پاکستان آصف علی زرداری کے خطاب سے باضابط طور پر پارلیمانی سال کا آغاز ہوگا جبکہ قومی اسمبلی کا اجلاس 18 اپریل کو ہوگا جس میں صدر کے پارلیمان سے خطاب پر بحث ہوگی۔

اس کے علاوہ سینیٹ کا اجلاس بھی پانچ اپریل کو بلانے کی تجویز دی گئی جبکہ سینیٹ سیکرٹریٹ نے سمری وزارت پارلیمانی امور کو بھجوا دی ہے، تاہم سینیٹ اجلاس میں نو منتخب سینیٹرز حلف اٹھائیں گے۔

ذرائع نے مزید بتایا کہ وزارت پارلیمانی امور صدر سے سینیٹ کے پہلے اجلاس کے لیے پریزائیڈنگ آفیسر مقرر کرنے کی بھی درخواست کرے گی۔