کوئنٹن ڈی کوک جنوبی افریقا کے ون ڈے کپتان مقرر
وکٹ کیپر بلے باز کوئنٹن ڈی کوک کو جنوبی افریقا کی ون ڈے ٹیم کا کپتان مقرر کردیا گیا۔
تفصیلات کے مطابق جنوبی افریقی کرکٹ بورڈ نے انگلینڈ کے خلاف ایک روزہ میچز کی سیریز کے لیے اسکواڈ کا اعلان کردیا۔
اعلان کردہ اسکواڈ میں کوئنٹن ڈی کوک کو ون ڈے کا کپتان نامزد کردیاگیا ہے اور وہ انگلینڈ کے خلاف آئندہ ماہ سیریز میں پروٹیز ٹیم کی قیادت کریں گے۔
ڈی کوک 35 سالہ بلے باز فاف ڈو پلیسی کی جگہ لیں گے، جو اس سے پہلے تک تینوں فارمیٹس میں کپتانی کے فرائض انجام دے رہے تھے۔
ٹیسٹ کپتان فاف ڈوپلیسی ، جنہوں نے گذشتہ روزانگلینڈ کے خلاف پورٹ الزبتھ میں تیسرا ٹیسٹ ہارنے کے بعد یہ عندیہ دیا تھا کہ وہ اگلی نسل کو ذمہ داری سونپنے کے خواہاں ہیں ، وہ اعلان کردہ 15 رکنی ٹیم میں شامل نہیں ہیں۔
کوئنٹن ڈی کوک کا پہلا امتحان ہی اوئن مورگن کی 7 ماہ قبل ورلڈ کپ جیتنے والی ٹیم کے خلاف ہوگا جس میں انہیں اہم تجربہ کار بالرز ڈیل اسٹین اور کگیسو ربادا کابھی ساتھ حاصل نہیں ہوگا۔
15 رکنی ٹیم میں پانچ نئے کھلاڑیوں کو شامل کیا گیا ہے جبکہ ڈیل اسٹین اور کگیسو ربادا کو آرام دیا گیا ہے۔
جنوبی افریقی ٹیم میں شامل کھلاڑیوں کے نام یہ ہیں:
کوئنٹن ڈی کوک(وکٹ کیپر، کپتان)،ریزا ہینڈرکس،ٹمبا باووما، وین ڈر ڈسن،ڈیوڈ ملر،جے جے اسمٹس،ایندائل فیلکوایو،ایل سپاملا،لنگی نگیدی،تبریز شمسی،ایس مگالا،بی فورٹوئن،بیورن ہینڈرکس،جانےمن ملان اور کےویرین۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News