آسٹریلیا کے خلاف پہلے ایک روزہ میچ میں سلواوور  ریٹ کے باعث بھارتی ٹیم پر جرمانہ عائد کردیا گیا۔

تفصیلات کے مطابق  جمعہ کو سڈنی میں ہونے والے پہلے ون ڈے میچ میں آسٹریلیا کے خلاف سلو اوور ریٹ کے باعث تمام بھارتی کھلاڑیوں پر میچ کا 20 فیصد جرمانہ عائد کیا گیا ہے۔

آئی سی سی ایلیٹ پینل میں شامل میچ ریفری ڈیوڈ بون نے بھارتی ٹیم کی جانب سے مقررہ وقت  میں اوورز پورے نہ کرنے پر یہ جرمانہ عائد کیا ہے۔

India players have been fined for maintaining a slow over-rate in their 1st ICC Men's @cricketworldcup Super League ODI against Australia.

Advertisement

Details 👇

— ICC (@ICC) November 28, 2020

بھارتی کپتان ویرات کوہلی نے غلطی کا اعتراف کرتے ہوئے سزا قبول کرلی ہے لہذا باقاعدہ سماعت کی ضرورت نہیں رہی۔

واضح رہے کہ گذشتہ روز کھیلے گئے پہلے ون ڈے میچ میں آسٹریلیا نے کپتان ایرون فنچ اور اسٹیو اسمتھ کی سنچریز کی بدولت بھارت کو باآسانی 66 رنز سے شکست دے سیریز میں 0-1 کی برتری حاصل کرلی ہے۔