قومی کرکٹ ٹیم کی نئی سلیکشن کمیٹی کا پہلا وار،  سرفراز احمد اور سہیل خان کو موقع دیے بغیر ہی ڈراپ کرنے کا فیصلہ کرلیا گیا۔

تفصیلات کے مطابق نئی سلیکشن کمیٹی جنوبی افریقہ کے خلاف ہوم ٹیسٹ سیریز کے لیے قومی کرکٹ  ٹیم کا اعلان  کل  کرے گی جس کے لیے گذشتہ روز مشاورت کی گئی۔

ذرائع کا کہنا ہے کہ  آؤٹ آف فارم حارث سہیل  اور شان مسعود کو ڈراپ کرنے کا فیصلہ کیا گیا ہے۔فاسٹ بالر محمد عباس کو بھی ڈراپ کرنے کا فیصلہ کیا گیا ہے۔

نیوزی لینڈ کے دورے پر بغیر کوئی میچ  کھلائے بغیر ہی سرفراز احمد اور  سہیل خان کو  ہوم ٹیسٹ سیریز  سے ڈراپ کرنے پر اتفاق ہوا ہے۔

ذرائع کا مزید کہنا ہے کہ فاسٹ بالر حسن علی،  سعود شکیل اور روحیل نذیر ٹیسٹ اسکواڈ کے مضبوط امیدوار ہیں۔

فاسٹ بالرز کے لیے روٹیشن پالیسی اور فارمیٹ مخصوص رکھنے پر بھی صلاح مشورہ کیا گیا۔ مشاورت کا سلسلہ آج  بھی جاری رہے گا۔