پاکستان  کرکٹ بورڈ نے پاکستان سپر لیگ کے ٹکٹ  آن لائن فروخت کرنے کا اعلان کردیا ۔

تفصیلات کے مطابق پاکستان کرکٹ بورڈ (پی سی بی) کا پی ایس ایل کے چھٹے ایڈیشن کی  کی آن لائن ٹکٹوں  کی فروخت  کے لیے  معروف  ای ٹکٹنگ کمپنی’بک می  ڈاٹ کام ‘سے معاہدہ ہوگیا ہے۔

پاکستان کرکٹ بورڈ نے  ’بک می ڈاٹ کام ‘ کو پاکستان سپر لیگ 2021 کا آفیشل ٹکٹنگ پارٹنر مقرر کردیا ہے۔

ایونٹ 20 فروری کو نیشنل اسٹیڈیم کراچی میں شروع ہوگا۔

این سی او سی کی اجازت کے بعد لیگ کےچھٹے  ایڈیشن میں 20 فیصد تماشائیوں کو شرکت کی اجازت ہے۔ جس کے مطابق  کراچی میں 7500  لاہور میں  5500 شائقین اسٹیڈیم میں جاکر میچ دیکھ سکیں گے۔

کرکٹ فینز ان میچز میں شرکت کے لیے اپنی ٹکٹیں بک می ڈاٹ پی کے سے خرید سکیں گے۔ بک می ڈاٹ پی کے میں روپے کی منتقلی جاز کیش یا ایزی پیسہ سے کی جاسکے گی۔

ٹکٹوں کی قیمتوں سمیت مزید تفصیلات جلد جاری کردی جائیں گی۔