آسٹریلوی ٹیسٹ اسکواڈ میں شامل کھلاڑی کل وطن واپس روانہ ہوں گے۔

تفصیلات کے مطابق آسٹریلیا کے ٹیسٹ اسکواڈ میں شامل وہ 10 کھلاڑی جو وائٹ بال اسکواڈ کا حصہ نہیں ہیں کل واپس روانہ ہوں گے۔

 واپس جانے والوں میں ٹیسٹ ٹیم کے کپتان پیٹ کمنز، مچل اسٹارک، جوش ہیزل ووڈ، ڈیوڈ وارنر، عثمان خواجہ، اسکاٹ بولینڈ، مارکس ہیرس، نیتھن لیون، مچل سویپسن اور مارک اسٹیکیٹی شامل ہیں۔

آسٹریلیا نے آج پاکستان کو تیسرے ٹیسٹ میچ کے آخری روز آخری سیشن میں سنسنی خیز مقابلے  کے بعد 115 رنز سے شکست دے کر سیریز 0-1 سے اپنے نام کی ہے۔

پیٹ کمنز کو شاندار بولنگ کرنے پر میچ کا بہترین کھلاڑی جبکہ عثمان خواجہ کو دو سنچریز اور دو نصف سنچریز کی بدولت 496 رنز بنانے پر سیریز کا بہترین کھلاڑی قرار دیا گیا۔