وسیم اکرم سوشل میڈیا جنریشن سے ناخوش
سوئنگ کے سلطان اور سابق کپتان وسیم اکرم موجودہ دور کی سوشل میڈیا جنریشن سے ناخوش ہیں۔
پاکستان کے سابق کپتان وسیم اکرم کا شمار دنیا کے عظیم بولروں میں ہوتا ہے، انہیں سوئنگ کے سلطان ہونے کا لقب بھی حاصل ہے۔
وسیم اکرم پر اپنے کیریئر کے دوران میچ فکسنگ کا الزام بھی لگایا گیا جب کہ اس بارے میں ان کا خیال ہے کہ لوگ اب بھی انہیں میچ فکسر مانتے ہیں۔
یہ بھی پڑھیں: وسیم اکرم لنکا پریمیئر لیگ کے سفیر مقرر
وسیم اکرم کا غیر ملکی اسپورٹس چینل میں گفتگو کرتے ہوئے کہنا تھا کہ ’پاکستان میں سوشل میڈیا کے زمانے کے نوجوان اب بھی انہیں میچ فکسر کہتے ہیں‘۔
Wasim Akram "In Australia, West Indies, England and India when they talk about one of the best bowlers in the world my name pops up. But in Pakistan this social media generation they call me a match-fixer" (courtesy Wide World of Sports) #Cricket pic.twitter.com/0pNjQHK35W
Advertisement— Saj Sadiq (@SajSadiqCricket) November 20, 2022
انہوں نے بتایا کہ بھارت، آسٹریلیا، انگلینڈ اور ویسٹ انڈیز کے لوگ ان سے بہت محبت کرتے ہیں۔
ان کا کہنا تھا کہ جب بھی ان ممالک میں ورلڈ الیون کی بات ہوتی ہے تو بہترین بولروں میں میرا نام بھی آتا ہے لیکن پاکستان کی یہ نسل، یہ سوشل میڈیا جنریشن اب بھی مجھے میچ فکسر کہتی ہے‘۔
انہوں نے مزید کہا کہ میں اپنی زندگی میں اس مرحلے سے بھی گزرا ہوں جہاں مجھے لوگوں کی فکر کرنی پڑتی ہے۔
واضح رہے کہ 1996 کے ورلڈ کپ میں ایسی افواہیں تھیں کہ وسیم اکرم نے کرائسٹ چرچ میں نیوزی لینڈ کے خلاف میچ فکسنگ کی کوشش کی تھی۔
یہ بھی پڑھیں: شاہین آفریدی سے متعلق سوال پر وسیم اکرم سیخ پا ہوگئے
جب کہ وہ بھارت کے خلاف کوارٹر فائنل میں بھی دیر سے دستبردار ہوگئے تھے جس کے بعد پاکستان کو شکست کا سامنا کرنا پڑا تھا۔
خیال رہے کہ وسیم اکرم نے پاکستان کے لیے 104 ٹیسٹ میچز کھیلے جس میں انہوں نے پاکستان کے لیے سب سے زیادہ 414 وکٹیں حاصل کیں ہیں۔
علاوہ ازیں انہوں نے 356 ون ڈے انٹرنیشنل میچز میں 502 وکٹیں بھی حاصل کیں ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News