آئی فون صارفین کیلئے بڑی خبر آگئی ہے۔

امریکی ملٹی نیشنل کارپوریشن اور ٹیکنالوجی کمپنی ایپل کا اپنے جاری کردہ بیان میں کہنا ہے کہ ایپل اپنی ورلڈ وائیڈ ڈویلپرز کانفرنس 10 جون سے 14 جون تک منعقد کرے گی۔

کمپنی کا کہنا ہے کہ ایونٹ جو آن لائن بھی دستیاب ہوگا، آئی فونز، آئی پیڈز اور ایپل کے دیگر آلات کو پاور کرنے والے سافٹ ویئر کی اپ ڈیٹس کو اجاگر کرے گا۔

بیان میں کہا گیا کہ افتتاحی دن ایپل پارک میں کچھ ڈویلپرز اور طلباء کو ذاتی طور پر مدعو کیا جائے گا۔

اس کے علاوہ آئی فون بنانے والی کمپنی آرٹیفیشل انٹیلی جنس کی شراکت داری کے لیے بات چیت کر رہی ہے اور اس موقع پر اہم تبدیلیوں کی نقاب کشائی کر سکتی ہے۔

دوسری جانب سرمایہ کار ایپل میں مصنوعی ذہانت کی ترقی کے بارے میں اپ ڈیٹس کو قریب سے دیکھ رہے ہیں۔