شادی کا دن ہر کسی کی زندگی میں بہت خاص ہوتا ہے کیونکہ یہ وہ دن ہوتا ہے جب آپ کی ایک نئی زندگی کا آغاز ہورہا ہوتا ہے۔

لیکن آج ہم آپ کو شادی کا ایک ایسا واقعہ بتائیں گے جو کہ دلہے کیلئے ڈراؤنا خواب بن کر رہ گیا ہے۔

رومانیہ سے تعلق رکھنے والے اس نوجوان کا جو دن زندگی کا بہترین دن ہونے والا تھا وہی ایک ڈراؤنا خواب بن گیا۔

دوستوں کی شرارت کے باعث دلہا اپنی ہی شادی میں زخمی ہوگیا اور ریڑھ کی ہڈی کے فریکچر کا سامنا کرنا پڑ گیا۔

دوستوں نے شرارت کرتے ہوئے دلہے کو ہوا میں اچھالا، لیکن واپس زمین پر آتے دلہے کو دوست سنبھال نہ سکے اور وہ زمین پر جاگرا اور دوبارہ نہیں اٹھ پایا۔

زخمی دلہے کو اسپتال پہنچایا گیا جہاں تشخیص کے بعد معلوم ہوا کہ اس کی کمر کی ہڈی مختلف مقامات سے ٹوٹ گئی۔