لاہورہائیکورٹ  میں ماحولیاتی آلودگی اوراسموگ کے خاتمے کے لیے الیکڑک گاڑیاں متعارف کرانے کیلئے درخواست پر سماعت آج ہوگی۔

تفصیلات کےمطابق لاہورہائیکورٹ نےدرخواست پروفاقی حکومت کونوٹس جاری کرتے ہوئے آج جواب طلب کررکھا ہے۔ لاہور ہائیکورٹ کے نامزد چیف جسٹس مامون رشید شیخ کیس کی سماعت کریں گے۔

 عدالت نےالیکٹرک گاڑیوں پر ٹیکس میں چھوٹ کیلئے ایف بی آر کو بھی نوٹس جاری کر رکھے ہیں۔

درخواست گزارنےموقف اختیار کیاکہ شہر بھر میں آلودگی کی بڑی وجہ گاڑیوں سے نکلنے والا دھواں ہے، شہر میں چلنے والی گاڑیوں میں ناقص پیٹرول، ڈیزل سے زہریلہ دھواں پیدا ہوتا ہے۔

 درخواستگزارکے موقف میں کہاگیاکہ دنیا بھر میں الیکٹرک گاڑیاں متعارف کرادی گئی ہیں اسلیےپاکستان میں بھی الیکٹرک گاڑیوں سے متعلق پالیسی بنائی گئی ہے لیکن عملدرآمد نہیں ہورہا۔

درخواست میں موقف اختیارکرتے ہوئے استدعا کی گئی کہ عدالت حکومت کو بجلی سے چلنے والی گاڑیوں کی تیاری کا حکم دے۔