ملک کے بیشترعلاقوں میں موسم سرد اور خشک جبکہ بالائی علاقوں میں ابرآلود رہےگا۔

محکمہ موسمیات کے مطابق آج ملک کے بیشترعلاقوں میں موسم سرد اور خشک جبکہ بالائی علاقوں میں ابرآلود رہےگا ،اس کے ساتھ ساتھ شمالی بلوچستان ،بالائی خیبر پختونخوا، کشمیر گلگت بلتستان میں چند مقامات پر بارش اور پہاڑوں پر برفباری کا امکان ہے۔

کراچی میں موسم خشک رہے گا

اس کے علاوہ اسلام آباد اور خطہ پوٹھوہار میں بھی بوندا باندی کا امکان ہے۔

محکمہ موسمیات کے ترجمان انجم نذیر کے مطابق 11 سے 13 فروری کے دوران کراچی میں سردی کی شدت کم رہے گی، مغربی ہواؤں کے سسٹم کے باعث ملک کے جنوبی حصے کو سائیبرین ہوائیں متاثر کرنا چھوڑدیں گی۔

عام طور پر 15 فروری کے بعد موسم گرم ہوجاتا ہےلیکن اس بار فروری کے آخر تک موسم ٹھنڈا رہے گا۔

واضح رہے کہ گذشتہ دن ملک کے بیشتر علاقوں میں موسم سرد اور خشک رہاجبکہ کوئٹہ، چمن، کوہاٹ ، مالاکنڈ، ہزارہ ، چکوال اور مری میں با ر ش اوربرفباری ہوئی۔