آرٹیکل 370 اے ختم کرنے کے بعد مقبوضہ کشمیر میں 42ویں روز بھی کرفیو جاری ہے، موبائل فون، انٹرنیٹ سروس بند اور ٹی وی نشریات معطل ہیں۔

تفصیلات کے مطابق مقبوضہ کشمیر میں مسلسل 42ویں روز بھی کرفیو برقرار ہے ، مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پر بھی سخت پابندیاں عائد ہیں۔

 کر فیو اورمواصلاتی نظام کی معطلی کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

واضح رہے کہ5 اگست کو مودی سرکار نے مقبو ضہ کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

یہی نہیں بلکہ اس کر فیو کے با عث عیدالاضحیٰ کے موقع پر بھی مسلمان عید کی نماز اور سنت ابراہیمی علیہ اسلام ادا کرنے سے محروم رہے۔

نوبیل انعام یافتہ بھارتی معیشت داں ڈاکٹر امرتیا سین کا بھی کشمیر کے ایشو کے با رے میں کہنا تھا کہ جمہوریت کے بغیرمسئلہ کشمیرکا کوئی حل نہیں کرسکتا۔

گذشتہ روز بھارتی فوج نے مقبوضہ کشمیر میں محرم الحرام کیلئے نکالے جانے والے جلوسوں پر  بھی دھاوا بولا تھا، جس کے نتیجے میں متعدد افراد زخمی ہوگئے ۔