امریکی صدر ڈونلڈ ٹرمپ دورہ بھارت میں وہاں ہونے والی انسانی حقوق کی خلاف ورزیوں اور مذہبی آزادی سے متعلق بات کریں گے۔
برطانوی نشریاتی ادارے کے مطابق ٹرمپ انتظامیہ نے بھار ت میں انسانی حقوق کی خلاف ورزیوں پراظہارتشویش کرتے ہوئے کہا کہ صدرٹرمپ دورہ بھارت میں مودی سےمذہبی آزادی پربات کریں گے۔
ٹرمپ انتظامیہ کے ایک عہدیدار نے کہا کہ میرے خیال سے صدر ٹرمپ دورہ بھارت میں جمہوریت اور مذہبی آزادی کے بارے میں نجی گفتگو اور عوامی طور پر بھی یقیناً بات کریں گے۔
انہوں نے مزید کہا کہ صدر ٹرمپ بطور خاص مذہبی آزادی جیسے امور کو زیر بحث لائیں گے۔ ٹرمپ انتظامیہ کے لیے یہ ایک اہم مسئلہ ہے۔
ٹرمپ انتظامیہ کے عہدیدار کا کہنا تھا کہ صدر ڈونلڈ ٹرمپ وزیر اعظم نریندر مودی سے اپنی ملاقات میں اس حقیقت کی طرف توجہ مبذول کرائيں گے کہ دنیا جمہوری روایات کو برقرار رکھنے اور مذہبی اقلیتوں کے احترام کے لیے بھارت کی طرف دیکھ رہی ہے۔
ان کا کہنا تھاکہ شہریت کےمتنازع قانون کے خلاف مظاہروں پرتشویش ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News