سابق بھارتی کرکٹر چیتن چوہان کورونا کے باعث انتقال کر گئے۔
بھارتی میڈیا رپورٹس کے مطابق سابق بھارتی کرکٹر چیتن چوہان گزشتہ ایک ماہ سے کورونا وائرس سے جنگ لڑ رہے تھے جبکہ دیگر بیماریوں کا بھی شکار تھے۔
بھارتی میڈیا رپورٹس میں کہا گیا ہے کہ سابق بھارتی کرکٹر وبا میں مبتلا ہونے کی وجہ سے ان کے گردے میں انفیکشن بڑھ گیا تھا اور وہ سنجے گاندھی اسپتال میں کئی روز سے زیرعلاج تھے۔
بھارتی میڈیا رپورٹس میں مزید کہا گیا ہے کہ چیتن چوہان کو وینٹی لیٹر سپورٹ پر رکھا گیا تھا لیکن وہ جانبر نہ ہو سکے۔
بھارت میں کورونا کے کیسز میں ہوشربا اضافہ
یاد رہے کہ چیتن چوہان نے 40 ٹیسٹ میچ کھیلے اور سنیل گواسکر کے اوپننگ پارٹنر تھے۔ اوپننگ جوڑی نے 3000 رنز اسکور کیے۔
چیتن نے زیادہ تر میچز 70 کی دہائی میں کھیلے اور ان کی گواسکر کے ساتھ جوڑی بہت مشہور ہوئی، انہوں نے 40 ٹیسٹ میچز کھیلے جس میں 16 نصف سنچریوں کی مدد دے 2 ہزار 84 رنز بنائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News