پاکستان کیخلاف نفرت انگیز باتیں کرنے پر برطانیہ میں بھارتی ٹی وی چینل کو 20 ہزار پاؤنڈ کا جرمانہ کردیا گیا۔

غیر ملکی خبر رساں ادارے کے مطابق 20 ہزار پاؤنڈ کا جرمانہ برطانیہ میں ٹی وی چینلز اور ریڈیو کے نگران ادارے آف کام کی جانب سے عائد کیا گیا ہے۔

رپورٹ کے مطابق بھارتی چینل ری پبلک ٹی وی میں ارنب گوسوامی کے پروگرام میں  پاکستانیوں کے خلاف جذبات کو ابھارا گیا تھا۔

آف کام کا کہنا ہے کہ ایسے پروگرام پاکستانیوں کی جان  کےلیے خطرے کا باعث بن سکتے ہیں،

برطانوی ادارے کا مزید کہنا تھا کہ ارنب گوسوامی نے اپنے پروگرام میں صحافتی اقدار کی دھجیاں بکھیریں۔