جنوبی افریقا میں فوری طور پر کورونا وائرس سے بچاؤ کی بوسٹر ڈوز لگانے کی منظوری دے دی گئی۔

غیر ملکی خبر رساں ادارے کے مطابق  جنوبی افریقا میں آج سے جانسن اینڈ جانسنز ویکسین کے بوسٹر شاٹس لگانے شروع کردیے گئےہیں۔

جنوبی افریقی محکمہ صحت نے ایک بیان میں کہا ہے بوسٹر شاٹس لگانے عمل ایک دن پہلے ہیلتھ ریگولیٹر کی طرف سے بوسٹر ڈوز کے فوری طور پر استعمال کی منظوری کے بعد شروع کیا گیا ہے۔

جنوبی افریقی ہیلتھ پروڈکٹس ریگولیٹری اتھارٹی  نے جانسن اینڈ جانسنز اور فائزر  ویکسین کو بوسٹر کے طور پر لگانے کا فیصلہ کیا ہے ۔عام لوگوں کے لیےبوسٹر شاٹس لگانے کا عمل پہلی بار شروع کیا گیا ہے۔

محکمہ صحت کے  ملازمین کے لیے ابھی تک  صرف جانسن اینڈ جانسنز کی ویکسین بوسٹر ڈوز کے طور پر دستیاب ہے۔تاہم اومیکرون ویریئنٹ کے پھیلاؤ نے لوگوں کو حفاظتی اقدامات کی ضرورت کو بڑھا دیا ہے۔

وزارت صحت کی جانب سے اعلان کیا گیا ہے کہ 24 دسمبر 2021 سے قومی ویکسینیشن پروگرام  کے تحت جانسن اینڈ جانسنز کی بوسٹر ڈوز  ہر اس شخص کو لگائی جائے گی جس نے اپنی آخری خوراک کم از کم 2 مہینے پہلے حاصل کی تھی۔

اعلان میں مزید کہا گیا ہے کہ  فائزر بوسٹر شاٹس  جو کہ جنوری کے شروع میں دستیاب ہونے تھے وہ اب 28 دسمبر سے ان لوگوں کے لیے دستیاب ہوں گے جنہوں نے کم از کم چھ ماہ قبل اپنی دوسری خوراک حاصل کی تھی۔