مالدیپ کے نئے صدر محمد معیزو نے خارجہ پالیسی کو نئے سرے سے ترتیب دینے کا اعلان کردیا ہے۔
پڑوسی ممالک کے اندورنی معاملات میں مداخلت بھارت کا پرانا وطیرہ ہے، مالدیپ کے نو منتخب صدر محمد معیزو مودی سرکار کی مالدیپ میں مداخلت کے خلاف اٹھ کھڑے ہوئے ہیں۔
معروف جریدے کی رپورٹ کے مطابق صدارت کا عہدہ سنبھالنے کے بعد محمد معیزو نے بھارت کے دورے کی روایت توڑتے ہوئے پہلا سرکاری دورہ ترکی کا کیا۔
محمد معیزو نے بھارت سے تعلقات کو پس پشت ڈالتے ہوئے مالدیپ کی خارجہ پالیسی کو متنوع اور نئے سرے سے ترتیب دینے کا اعلان کیا ہے۔
صدارت کا منصب سنبھالنے کے بعد محمد معیزو نے مالی سے تمام بھارتی فوجیوں کو بھارت واپس جانے کا حکم دیتے ہوئے کہا کہ پارلیمانی منظوری کے بغیر غیر ملکی فوجیوں کی مالدیپ میں تعیناتی آئین کے منافی اور بین الاقوامی قدروں کے خلاف ہے۔
بھارتی میڈیا کے مطابق محمد معیزو نے بھارتی فوج کی موجودگی کو ملکی استحکام کے لیے خطرہ قرار دیا ہے۔
بھارتی میڈیا کا کہنا ہے کہ محمد معیزو نے بھارت کو مالدیپ کے اندورنی معاملات میں مداخلت سے واضح طور پر متنبہ کیا ہے جب کہ مالدیپ کی جانب سے بھارت کو یہ کھلی بغاوت اور براہ راست نشانہ بنانے کا پیغام ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News