اسرائیلی وزیر اعظم نیتن یاہو نے اسرائیل اور حماس میں غزہ جنگ بندی پر مذاکرات کے ایک نئے دور کی منظوری دیدی ہے۔

غزہ جنگ بندی کے لیے قاہرہ میں مذاکرات آج سے دوبارہ شروع ہوں گے۔

بین الاقوامی ذرائع ابلاغ کے مطابق غزہ میں اسرائیل کی مسلسل جارحیت جاری ہے، اسرائیلی فوج کی خوراک کے حصول کے لیے جمع فلسطینیوں پر فائرنگ سے پانچ فلسطینی شہید جبکہ درجنوں زخمی ہوگئے۔

گزشتہ چوبیس گھنٹوں کے دوران اسرائیلی بمباری میں فلسطینی ہلال احمر کے 26 ارکان سمیت 71 فلسطینی شہید اور 112 زخمی ہوگئے۔

عالمی سفارتی سطح پر غزہ کے معاملے پر ہلچل مچی ہوئی ہے ، امریکہ ڈھائی بلین ڈالرز مالیت کا اسلحہ گولہ بارود اسرائیل بھیجے گا کیونکہ اسرائیلی وزیر دفاع نے حماس کے خلاف جنگی دائرے میں توسیع کرنے کا اعلان کیا ہے۔

الشفااسپتال اوراطراف کے گھروں پر بمباری سے 11 دنوں کے دوران 400 شہادتیں ہوئیں جبکہ آس پاس کےایک ہزار سےزائد گھروں کو بھی نشانہ بنایاگیا۔

مغربی کنارے پربھی اسرائیل کی درندگی سے 13 سال کے معصوم  لڑکے کو شہید کردیا گیا۔