پاکستان میں حالیہ شدید بارشوں کے بعد شہری علاقوں سے گزرتے پانی کے سیلابی مناظر پر ایک ویڈیو سوشل میڈیا پر وائرل ہو رہی ہے جس میں دکھایا گیا ہے کہ کس طرح لاکھوں گیلن پانی بغیر کسی ذخیرے کے ضائع ہو رہا ہے۔
معروف صحافی ڈاکٹر شمع جونیجو نے سماجی رابطے کی سائٹ ایکس پر ویڈیو شیئر کرتے ہوئے لکھا ’’بارشوں کا اتنا پانی ہے اور سارا ضائع ہوجائے گا۔ کاش ہمارے پاس چھوٹے ڈیم اور ریزروائر ہوتے تو یہ پانی خُشک سالی میں کام آتا‘‘۔
بارشوں کا اتنا پانی ہے اور سارا ضائع ہوجائے گا۔
کاش ہمارے پاس چھوٹے ڈیم اور ریزروائر ہوتے تو یہ پانی خُشک سالی میں کام آتا— Dr Shama Junejo (@ShamaJunejo) July 17, 2025
ویڈیو میں دیکھا جا سکتا ہے کہ گزرنے والے پانی کا بہاؤ نہایت تیز ہے اور قریبی علاقے بری طرح متاثر ہو رہے ہیں۔ اس پر سوشل میڈیا صارفین نے تلخ لیکن حقیقت پر مبنی تبصرے بھی کیے۔
عوامی ردِعمل
ایک صارف نے لکھا ’’اگر ڈیم بن جاتے اور بارش کا پانی بھی بچالیتے تو پھر اربوں ڈالر کی امداد نہیں آتی اور آپ کی اور آپ کے آقاؤں کی عیاشیاں کہاں سے پوری ہوتی؟۔
اگر ڈیم بن جاتے اور بارش کا پانی بھی بچالیتے تو پھر اربوں ڈالر کی امداد نہیں آتی اور آپکی اور آپکے آقاؤں کی عیاشیاں کہاں سے پوری ہوتی. ابھی تک صرف پنجاب میں ٦٣ اموات ہوچکی ہیںٍ, مطلب ابھی تک 40-50 ملین ڈالر تو آنے ہی ہیں آپ لوگوں کی عیاشیوں کیلئیے
— Pakistan (@REDBULL65) July 17, 2025
ان کا کہنا تھا ’’ابھی تک صرف پنجاب میں 63 اموات ہوچکی ہیں۔ مطلب ابھی تک 40-50 ملین ڈالر تو آنے ہی ہیں آپ لوگوں کی عیاشیوں کے لیے‘‘۔
ایک اور صارف نے تبصرہ کیا ’’”ڈیم تب بنے گا جب عوام چاہے گی۔ ہم تو خود بے حس ہوچکے ہیں۔ عوام سیاستدانوں پر پل رہی ہے۔ عوام کو مہینے کے 15 سے 20 ہزار اکاؤنٹ میں مل رہے ہیں‘‘۔
ڈیم تب بنے گا جب عوام چاہے گی ہم تو خود بے حس ہو چکے ہیں ۔عوام سیاستدانوں پر پل رہی ہے ۔عوام کو مہینے کے 15 سے 20ہزار اکانٹ میں مل رہے ہیں
— ⚔️Kkhan⚔️ (@Kkhan0225Khan) July 17, 2025
عثمان انصاری نامی نے لکھا ’’ٹیکساز میں بھی بارش آئی ہے، وہ بھی دعا کر رہے ہیں کہ پانی نکلے اور زندگی آسان ہو۔ ڈیم اتنے پانی کو نہیں روک سکتے لیکن بعد میں استعمال کے لیے ذخیرہ ضرور کرسکتے ہیں۔ مگر وہ سیلاب سے بچا نہیں سکتے‘‘۔
texas me bhi aya he. wo bhi dua kr rahe hen ke nikle pani inki zindgi asan ho. Dams cannot hold water at this levels. But yes they can store water for later use. but they cannot save from floods like these.
— Usman Ansari (@likhusman) July 17, 2025
قومی سطح پر اقدامات کی ضرورت
ماہرین کا کہنا ہے کہ پاکستان میں ہر سال اربوں روپے کا بارش کا پانی ضائع ہوجاتا ہے جب کہ ملک مسلسل پانی کی قلت، خشک سالی اور زرعی تنزلی کا سامنا کر رہا ہے۔
چھوٹے ڈیمز، واٹر ریزروائر اور مناسب نکاسی کا نظام موجود نہ ہونے کے باعث یہ قیمتی پانی کسی بھی قومی ذخیرے میں شامل نہیں ہوپاتا۔
