آئی سی سی ورلڈکپ 2023 کا آج سے باقاعدہ آغاز ہونے جارہا ہے اور پاکستانی صحافیوں اور کرکٹ فینز کو ابھی تک ویزے جاری نہ ہوسکے۔
تفصیلات کے مطابق بھارت میں آج سے ورلڈ کپ کا آغاز دفاعی چیمپئن انگلینڈ اور رنر اپ نیوزی لینڈ کے درمیان میچ سے ہوگا۔
پاکستانی صحافیوں اور کرکٹ فینز کو تاحال بھارت کے ویزے جاری نہ ہوسکے، بھارتی ہائی کمیشن صحافیوں کی ویزہ درخواستیں وصول کرنے سے گریزاں ہے۔
دنیا بھر کا میڈیا ورلڈ کپ کوریج کے لیے بھارت پہنچ چکا ہے لیکن پاکستانی صحافیوں کو بھارتی حکومت نے تاحال کلیئرنس نہیں دی۔
دنیا بھر سے پاکستانی فینز بھی بھارت جا کر اپنی قومی ٹیم کو سپورٹ کرنے کے لیے بے تاب ہیں۔ بھارتی حکومت نے تاحال کرکٹ فینز کو بھی سفر کی اجازت نہیں دی۔
کپتان بابر اعظم بھی پاکستانی فینز کی سپورٹ کے منتظر ہیں۔
بابر اعظم کا کہنا ہے کہ پاکستانی فینز کو ورلڈ کپ میں مس کریں گے۔
واضح رہے کہ پاکستان اپنی ورلڈکپ مہم کا آغاز کل حیدرآباد میں نیدرلینڈز کے خلاف میچ سے کرے گا۔
پاکستان کو وارم اپ میچز میں نیوزی لینڈ اور آسٹریلیا کے ہاتھوں شکست کا سامنا کرنا پڑا تھا۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
