پا کستان کے دورے پرمو جود بر طانوی شا ہی جوڑے کے شیڈول میں تبدیلی کر دی گئی ہیں۔
تفصیلات کے مطابق شاہی جوڑااب 16 اکتوبر کے بجائے 17اکتوبر کو لاہور آئے گا، معزز مہمان آج چترال اور شمالی علاقہ جات کا دورہ کرینگے۔
ذرائع کے مطابق برطانوی شاہی جوڑا لاہورمیں ایس او ایس ویلیج، ایچی سن کالج جائے گا جبکہ شہزادہ ولیم اور شہزادی کیٹ میڈلٹن شوکت خانم کینسراسپتال کا دورہ بھی کرینگے،اس کےعلا وہ بادشاہی مسجد اورمینارپاکستان کےدورے کا بھی امکان ہے۔
شہزادہ ولیم اورشہزادی کیٹ 18 اکتوبر کو اسلام آباد فیصل مسجد کے دورے کے بعد واپس روانہ ہونگے۔
وا ضح رہے کہ برطانوی شہزادہ ولیم اورشہزادی کیٹ مڈلٹن چترال پہنچ گئے ہیں۔
برطانوی شاہی جوڑا ہیلی کاپٹر میں کوہ ہندوکش کے خوبصورت نظاروں سے لطف اندوز ہوا، برطانوی شہزادے اور شہزادی کو اس مو قع پرروایتی ٹوپی بھی پہنائی گئی جبکہ شہزادہ ولیم کو روایتی چغہ اور شہزادی کیٹ کو شال کا بھی تحفہ دیا گیا۔
ذرائع کے مطا بق برطانوی شاہی جوڑا اسلام آباد سے چترال پہنچا تو ان کا شاندار استقبال کیا گیا ، شہزادہ ولیم اور کیٹ مڈلٹن چترال میں بروغل اور ویلج بمبوریت کا دورہ کریں گے اور پھر کل لا ہو ر روانہ ہو نگے۔
