سانحہ سوات میں بروقت ریسکیو آپریشن نہ کرنے پر سوشل میڈیا صاریفن کی جانب سے خیبرپختونخوا حکومت کو کڑی تنقید کا نشانہ بنایا جارہا ہے۔
کل صبح سوات بائی پاس کے مقام پر دریا کے کنارے ہوٹل پر ناشتہ کرنے والی چند فیملیز دریا کے خشک حصے میں اتری تھیں کہ اچانک ریلہ آیا اورسب کو بہا لے گیا۔
ریسکیو کے مطابق سیالکوٹ سے تعلق رکھنے والا متاثرہ خاندان سوات سیر کے لیے آیا تھا جو دریا کے کنارے بیٹھا ناشتہ کررہا تھا تاہم اسی دوران بارش کی وجہ سے دریا میں تیز بہاؤ ہوا اور ایک ہی خاندان کے 10 افراد بہہ گئے۔
اس سانحہ کی ویڈیوز اور کئی تصاویر سوشل میڈیا پر وائرل ہوگئیں جس پر صارفین نے مقامی حکومت سمیت خیبرپختونخوا حکومت کو کڑی تنقید کا نشانہ بنایا ہے۔
معروف صحافی محمد فہیم نے لکھا ’’خیبر پختونخواحکومت کا ہیلی کاپٹر جو سوات میں ریلے میں پھنسے افراد کی مدد کے لئے خراب موسم کے باعث نہیں جاسکا تھا، چند روز قبل بارش کے دوران لاہور قلندر کے کھلاڑی نعیم مینگل کو پاراچنار لے گیا تھا‘‘۔
خیبر پختونخواحکومت کا ہیلی جو سوات میں ریلے میں پھنسے افراد کی مدد کیلئے خراب موسم کے باعث نہیں جا سکا تھا
چند روز قبل بارش کے دوران لاہور قلندر کے کھلاڑی نعیم مینگل کو پاراچنار لے گیا تھا pic.twitter.com/JSqNSOTLlj— Muhammad Faheem (@MeFaheem) June 28, 2025
شہزاد نامی صارف نے حادثے کی ویڈیو شیئر کرتے ہوئے کہا ’’یہ سیاح نہیں بہہ رہے بلکہ 13 سال سے تبدیلی کے نام پر جو ذلالت کے پی میں مسلط کی اس کی اصلیت بہہ رہی ہے‘‘۔
یہ سیاح نہی بہہ رہے بلکے تیرہ سال سے تبدیلی کے نام پر جو ذلالت کے پی میں مسلط اس کی اصلیت بہہ رہی ہے سوچیں پی ٹی آئئ نے تیرہ سال میں سوات جیسے سیاحتی مقام پر ریسکیو جیسی بنیادی سہولت بھی نہی دی اس سے پہلے بھی کوہستان میں پانچ نوجوان بہہ گے تھے
pic.twitter.com/ppDwJ70kRP— RAShahzaddk (@RShahzaddk) June 27, 2025
ان کا کہنا تھا ’’سوچیں پی ٹی آئی نے 13 سال میں سوات جیسے سیاحتی مقام پر ریسکیو جیسی بنیادی سہولت بھی نہیں دی، اس سے پہلے بھی کوہستان میں پانچ نوجوان بہہ گئے تھے‘‘۔
ڈاکٹر شمعہ جانیجو لکھتی ہیں ’’خیبر پختونخواہ کا سرکاری ہیلی کاپٹر ماما جی کا ریڑھی بن گیا ہے جس پر کھانا لاد کے پہنچایا جاتا ہے، اگر یہ ہیلی کاپٹر کل سوات پہنچایا جاتا تو معصوم خاندان کی جانیں بچ جاتیں‘‘۔
خیبر پختون خواہ کا سرکاری ہیلی کاپٹر ماما جی کا ریڑھا بن گیا جس پہ کھانا لاد کے پہنچایا جاتا ہے
اگر یہ ہیلی کاپٹر کل سوات پہنچایا جاتا تو معصوم خاندان کی جانیں بچ جاتیں pic.twitter.com/wQNQnUvdKa— Dr Shama Junejo (@ShamaJunejo) June 28, 2025
