بر طانوی شاہی جوڑاشہزادہ ولیم اور شہزادی کیٹ مڈلٹن لاہور سے اسلام آباد پہنچ گئے ہیں۔
تفصیلات کے مطابق برطانوی شاہی جوڑے نے ایک بار پھر ایس او ایس ولیج کا دورہ کیا جہاں شہزادہ ولیم اور کیٹ مڈلٹن نے بچوں سے گپ شپ کی۔
ذرائع کے مطابق برطانوی شہزادی کیٹ مڈلٹن نے اپنے دورہ پاکستان کے آخری روز بھی مشرقی لباس زیب تن کیا، سفید اور کالے رنگ کے لباس میں ملبوس کیٹ مڈلٹن لاہور سے اسلام آباد کے لیے روانہ ہوئیں ، شہزادی کیٹ نے اپنے دورہ پاکستان کے دوران پاکستانی ڈیزائنرز کے ملبوسات زیب تن کیے، کیٹ مڈلٹن کے مشرقی لباس میں انداز دنیا بھر کی خبروں میں رہے۔
واضح رہے کہ موسم کی خرابی کے باعث بر طانوی شاہی جوڑا گزشتہ روز اسلام آباد پہنچ نہ سکا، برطانیہ کے شہزادہ ولیم اور شہزادی کیٹ مڈلٹن نے دورہ لاہور میں کرکٹ کھیلی، ایس او ایس ویلیج کے بچوں میں گھل مل گئے اور ان کو کہانیاں بھی سنائی، جو ڑے نے بادشاہی مسجد کا بھی دورہ کیا، اس کے بعد شوکت خانم ہسپتال میں مریضوں سے ملاقات کی۔
گزشتہ روزبرطانوی شاہی جوڑا لاہور پہنچا تو ایئرپورٹ پر وزیراعلیٰ پنجاب سردار عثمان بزدار اور گورنر پنجاب چودھری سرور نے معزز مہمانوں کا پرتپاک استقبال کیا تھا۔
