بالی ووڈ کے لیجنڈری اداکار عرفان خان نے بیٹے کے خواب میں آکر کیا کہا؟
اداکار عرفان خان کے بیٹے نے بتایا کہ ان کے والد گزشتہ رات خواب میں آئے مگر کچھ نہ کہا، بس مسکراتے رہے۔
بابیل خان نے فوٹو اینڈ ویڈیو شیئرنگ ایپ انسٹاگرام پر عرفان خان کے ہمراہ اپنے بچپن کی ایک یادگار تصویر پوسٹ کی ہے۔
https://www.instagram.com/p/CFhpggLARpM/?utm
جس میں بابیل خان بڑے ہی غور سے اپنے والد کو موبائل میں گیم کھیلتے دیکھ رہے ہیں۔
بابیل خان کی جانب سے پوسٹ کی جانے والی تصویر کی کیپشن میں اداکار نے والد کی یاد میں ایک جذباتی پیغام لکھا ہے۔
بابیل خان نے اپنے خواب کو یاد کرتے ہوئے لکھا کہ میں گزشتہ رات 14 گھنٹے تک سوتا رہا اور میں نہیں چاہتا تھا کہ میں اس نیند سے اُٹھوں کیونکہ میں خواب میں اپنے والد کو دیکھ رہا تھا۔
بابیل خان نے بتایا کہ مجھے نیند سے جاگنا پسند نہیں کیونکہ جاگنے کے بعد ہر دن یہ احساس ہوتا ہے کہ میرے والد مجھے چھوڑ کر چلے گئے ہیں۔
یاد رہےعرفان خان کے لواحقین میں اہلیہ اور دو بیٹے ایان اور بابیل شامل ہیں۔
واضح رہے کہ رواں سال 29 اپریل کو ورسٹائل اداکار عرفان خان 53 سال کی عمر میں کولون انفیکشن کے باعث انتقال کر گئے تھے۔
