قائد حزب اختلاف میاں شہباز شریف نے خواجہ برادران کیس پر سپریم کورٹ کے فیصلے پر ردعمل ظاہر کیا ہے۔
سماجی رابطے کی ویب سائٹ پر میاں شہباز شریف نے اپنے ایک پیغام میں کہا ہے کہ سعد رفیق اور سلمان رفیق کی جرت و استقامت قابل صد تحسین ہے۔
خواجہ برادران کے خلاف مقدمےمیں سپریم کورٹ کا فیصلہ نیب اور نام نہاد احتسابی عمل پر فرد جرم ہے۔ دونوں بھائی احتساب کے نام پر سیاسی انتقام کا نشانہ بنے۔
سعد رفیق اور سلمان رفیق کی جرت و استقامت قابل صد تحسین ہے۔ https://t.co/SNciFLSfpa
— Shehbaz Sharif (@CMShehbaz) July 20, 2020
انہوں نے کہا ہے کہ خواجہ برادران کے خلاف مقدمے میں سپریم کورٹ کا فیصلہ نیب اور نام نہاد احتسابی عمل پر فرد جرم ہے۔
سپریم کورٹ، خواجہ برادران کی ضمانت سے متعلق کیس کا تحریری فیصلہ جاری
انہوں نے مزید کہا ہے کہ دونوں بھائی احتساب کے نام پر سیاسی انتقام کا نشانہ بنے ہوئے ہیں۔
SC judgement in the case against Khawaja brothers is a stinging indictment of the NAB & so-called accountability process which was more of a witch-hunt against them than accountability. Their perseverance & determination is laudable!!
— Shehbaz Sharif (@CMShehbaz) July 20, 2020
یاد رہے کہ اس سے قبل سپریم کورٹ کی جانب سے خواجہ برادران کی ضمانت سے متعلق کیس کا تحریری فیصلہ جاری کردیا گیا ہے۔
فیصلے میں ریمارکس دیئے گئے ہیں کہ آج بھی پاکستان کے عوام کو آئین میں دیئے گئے حقوق نہیں مل رہے،جمہوری اقدار، احترام، برداشت، شفافیت اور مساوات کے اصولوں کا مذاق اڑایا جاتا ہے۔
سپریم کورٹ کے فیصلے کے مطابق عدم برداشت، اقرابا پروری، جھوٹے دھونس، خود نمائی ترجیحات بن چکی ہیں اور کرپشن پاکستانی معاشرے میں مکمل طور پر رچ بس چکی ہے، انا پرستی اور خود کو ٹھیک کہنا معاشرے میں جڑ پکڑ چکی ہے۔
فیصلہ میں ریمارکس دیئے گئےعدالت کو انتظامی اقدامات پر نظرثانی کرنی چاہی اور انتظامی اقدامات کو شفافیت ذور معقولیت کے اصول پر جانچنا چاہیے۔
