کابل میں افغان وزارت خارجہ کے دفتر کے قریب خودکش حملے میں 6 افراد ہلاک ہوگئے۔
بین الاقوامی خبر رساں ادارے کے مطابق افغان دارالحکومت کابل میں افغان وزارت خارجہ کے دفتر کے قریب خودکش حملے میں کم از کم 6 افراد ہلاک جبکہ 12 زخمی ہوگئے۔
کابل پولیس کے ترجمان خالد زادران کا کہنا ہے کہ خودکش بمبار نے چیک پوسٹ پر روکنے کی کوشش میں خود کو اڑا لیا۔
خالد زادران کا کہنا ہے کہ مرنے والوں میں دو بچے بھی شامل ہیں جبکہ 2 زخمیوں کی حالت تشویشناک ہے۔
