اندرون ملک سفر کرنے والے مسافروں کے لئے اچھی خبر، پی آئی اے کا بڑا اعلان سامنے آگیا۔

 تفصیلات کے مطابق پی آئی اے نے اپنے اندرون ملک جانے والی تمام پروازوں کے کرائے میں کمی کا اعلان کردیا۔

ترجمان پی آئی اے نے اپنے ایک بیان میں کہا کہ پی آئی اے نے کراچی، لاہور، اسلام آباد اور دیگر شہروں کے لئے کرائے 12ہزار روپے مقرر کردیے اور اس میں ٹیکس بھی شامل ہے۔

ترجمان پی آئی اے نے کہا کہ اندرون ملک جانے والی پروازوں پر یکطرفہ کرایہ 12ہزار روپے ہوگا جبکہ کرایوں میں کمی کا اطلاق آج سے ہی ہوگا۔

ترجمان پی آئی اے نے یہ بھی کہا کہ مسافروں کی سہولت کے لئے یہ اقدام اٹھایا گیا ہے اور اس حوالے سے تمام بکنگ آفسز میں احکامات جاری کردیے گئے ہیں۔

یاد رہے اس سے قبل فضائی کمپنی ائیر بلیو نے آج سے اندرونِ ملک فضائی آپریشن کا آغاز کردیا تھا۔

سول ایوی ایشن ذرائع کا کہنا تھا کہ ایربلیو کی پہلی پرواز پی اے 200 کراچی سے اسلام آباد کے لیے روانہ ہوگئی ہے ۔

اندرون ملک فضائی آپریشن شروع کرنے کا فیصلہ

ترجمان ایئر بلیو کا کہنا تھا کہ پروازوں پر مسافروں اور فضائی عملہ کی جانب سے کورونا ایس او پیز پر مکمل عمل درآمد کیا گیا ہے اور اندرون ملک پروازوں پر سماجی فاصلوں پر سختی سے عمل کیا جائے گا۔

واضح رہے کہ  دنیا بھر کی  طرح  پاکستان  میں  بھی  کورونا سے ممکنہ پھیلاؤ سے بچاؤ کے پیش نظر فلائٹ آپریشن بند کردیا گیا تھا تاہم  آج سے نجیہ کمپنی ائیر بلیو نے بھی  اپنے فضائی  آپریشن کا آغاز کردیا ہے ۔

خیال رہے کہ ایئر بلیو کے فضائی آپریشن کے آغاز سے قبل قومی ایئرلائن پی آئی اے اور سرین ایئرلائن فضائی آپریشن جاری رکھے ہوئے ہے۔