ڈی جی رینجرز  سندھ  میجر جنرل عمر احمد بخاری کی زیر صدارت رینجرز ہیڈ کوارٹرز  میں اعلیٰ سطح کا سیکیورٹی اجلاس ہوا۔

اجلاس میں ایڈیشنل آئی جی کراچی، کمشنر کراچی، ایڈیشنل آئی جی پی سی ٹی ڈی، ایڈیشنل آئی جی پی اسپیشل برانچ   نے شرکت کی۔

اس کے علاوہ جوائنٹ ڈی جی آئی بی، ڈی آئی جیز(ایسٹ، ساؤتھ، ویسٹ، سی ٹی ڈی، سی آئی اے اور ٹریفک)،پولیس، رینجرز اور حساس اداروں کے اعلیٰ افسران  بھی شریک تھے۔

اجلاس میں کراچی اور اندرون سندھ  میں  حالیہ دہشتگردانہ کارروائیوں کا جائزہ لیا  گیا  اور مزید بہتری  کے لئے اقدامات کرنے کا فیصلہ کیا گیا۔

اجلاس میں فیصلہ کیا گیا کہ صوبائی حکومت کی طرف سے دیئے گئے احکامات کی روشنی میں  قوانین اور ضابطہ اخلاق کی پاسداری کو یقینی بنایا جائے گا جبکہ  کراچی کے امن و امان کی صورتحال کو یقینی بنانے کے لیے ہر ممکن اقداما ت  کیے جائیں گے۔

ڈی جی رینجرز اور اجلاس کے دیگر شرکا ءنے حالیہ دہشتگردانہ حملوں میں تمام فورسز کے جوانوں کے کردار کی تعریف کی اور  شہید و زخمی ہونے والے رینجرز، پولیس، سیکیورٹی اداروں کے جوانوں اور سویلین افرا د کو خراج تحسین پیش کیا ۔

اجلاس کے شرکاء نے کہا کہ  قوم ان کی قربانیوں کو قدر کی نگاہ سے دیکھتی ہے اور ہماری آئندہ آنے والی نسلیں بھی ان کی مشکور ہیں۔ عوام سے اپیل  ہے  کہ صوبے بھر میں امن ا مان قائم رکھنے کے لیے قوانین  کی   پاسداری کریں۔

عوام کسی بھی شرپسند عناصر، مشکوک سرگرمی اور ناخوش گوار واقعہ کی فوری اطلاع تعینات رینجرزاہلکاروں کو یا  رینجرز ہیلپ لائن1101 پر دیں۔

اس کے علاوہ  رینجرز مدد گار واٹس ایپ نمبر03479001111پر کال یا ایس ایم ایس کے ذریعے بھی اطلاع دی جاسکتی ہے۔