پاکستان میں پائلٹس کے جعلی لائسنس اسکینڈل کے بعد یورپ میں پاکستان کی قومی ایئرلائن پر پابندی عائد کردی گئی ہے۔
تفصیلات کے مطابق یورپین یونین ایئر سیفٹی ایجنسی نے پی آئی اے کی یورپین ممالک کیلئے فضائی آپریشن کے اجازت نامے کو 6 ماہ کیلئے معطل کردیا ہے۔
یورپی یونین ایئر سیفٹی ایجنسی کی جانب سے معطلی کا اطلاق یکم جولائی 2020 رات 12 بجے یو ٹی سی ٹائم کے مطابق ہوگا جس کے بعد پی آئی اے کی یورپ سے تمام پروازیں عارضی طور پر منسوخ ہوجائیگی۔
ترجمان پی آئی اے نے کہا ہے کہ جن مسافروں کے پاس پی آئی اے کے بکنگ ہے ان کے پاس اختیار ہوگا کہ وہ چاہیں تو بکنگ آگے کروالیں یا ریفنڈ حاصل کریں۔
ترجمان نے بتایا ہے کہ پی آئی اے یورپین فضائی سیفٹی کے ادارے کے ساتھ مسلسل رابطے میں ہے اور ان کے خدشات کو دور کرنے کیلئے اقدامات اٹھا رہا ہے۔
Advertisement
انہوں نے کہا ہے کہ ہم امید کرتے ہیں کہ حکومت اور انتظامیہ کی جانب سے لئے گئے اقدامات کے باعث معطلی جلد ختم ہوگی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
