حکومت نے پیٹرول بم کے بعد عوام پر ایل پی جی بم گرادیا

وریشہ مسعود

30th Jun, 2020. 07:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت نے پیٹرول بم کے بعد عوام پر ایل پی جی بم گرادیا

عوام کے لیے ایک اور بری خبر ، پیٹرول کے بعد ایل پی جی بھی مہنگی کردی گئی۔

تفصیلات کے مطابق حکومت نے پیٹرول بم کے بعد عوام پر ایل پی جی بم گرادیا، اوگرا نے جولائی کیلئے ایل پی جی کی قیمت کا نوٹیفکیشن جاری کر دیا۔

اوگرا نے جولائی کیلئے ایل پی جی کی قیمت میں 3.96 روپے فی کلوگرام اضافے کا نوٹیفکیشن جاری کردیا جس کے تحت ایل پی جی سلنڈر کی قیمت میں 46.76 روپے فی سلنڈر اضافے کا اعلان کیا گیا ہے۔

ذرائع کا کہنا ہے کہ اوگرا نے جولائی کیلئے 11.8 کلو گرام گھریلو سلنڈر کی نئی قیمت 1345.07 روپے مقرر کر دی جبکہ جون کیلئے 11.8 کلو گرام گھریلو سلنڈر کی قیمت 1298.31 روپے تھی۔

یاد رہے اس سے قبل کورونا کی وجہ سے معاشی مسائل سے دوچار عوام کیلئے بری خبر ہے کہ وزیراعظم عمران خان کی منظوری کے بعد پیٹرولیم مصنوعات کی قیمتوں میں 25 روپے فی لیٹر تک اضافہ کردیا گیا ہے۔

عوام پر پیٹرول بم گرانے کی تیاری

پیٹرولیم مصنوعات کی قیمتوں میں اضافے کے حوالے سے اعلامیہ جاری کردیا گیا ہے جس کے مطابق پیٹرول کی نئی قیمت 100 روپے 10 پیسے مقرر کردی گئی ہے۔

وزارت خزانہ کے اعلامیہ کے مطابق ہائی اسپیڈ ڈیزل اب عوام کو 101روہے 46 پیسے فی لیٹر دستیاب ہوگا جبکہ مٹی کا تیل 59 روپے 6 پیسے کا ہوگیا اور لائٹ ڈیزل کی 59 روپے 58 پیسے کا دستیاب ہوگا۔

خیال رہے کہ کورونا وائرس کی وجہ سے عالمی منڈی میں تیل کی کھپت کم ہونے سے قیمتیں تاریخ کی کم تریں سطح پر پہنچ گئی تھیں جس کے بعد پاکستان میں بھی پیٹرولیم مصنوعات کی قیمتوں میں بڑی کمی کی گئی تھی۔