وفاقی وزیر برائے بحری امور علی زیدی نے کہا ہے کہ پی آئی اے میں ایسی صفائی ہوگی کہ دنیا کی ٹاپ ایئرلائن بن جائے گی۔

تفصیلات کے مطابق وفاقی وزیر علی زیدی نے وفاقی وزیر اطلاعات شبلی فراز اور معاون خصوصی برائے احتساب بیرسٹر شہزاد اکبر کے ہمراہ پریس کانفرنس کرتے ہوئے کہا کہ ضابطہ بھرتیوں میں ملوث افراد کے خلاف احتساب ہوگا اور ہماراوعدہ ہےلائسنس انکوائری کامعاملہ جلدنمٹادیں گے۔

علی زیدی نے کہا کہ 2010 سے نیا لائسنسنگ سسٹم شروع کیا گیا, ہم نے ہر ادارے سے سوال جواب شروع کئے کیونکہ یہ پرانی حکومت نہیں ہےجہاں ایک وزیراعلیٰ کہتےتھے ڈگری توڈگری ہوتی ہے۔

‏ وفاقی وزیر برائے بحری امور نے یہ بھی کہا کہ تھوڑی تکلیف برداشت کرنا ہمارے مستقبل کیلئے ضروری ہے کیونکہ‏ اداروں کو تباہ کرنے میں سیاست دانوں کا بڑا ہاتھ ہے جبکہ ن لیگ اور پیپلزپارٹی نے ہر ادارے کو نقصان پہنچایا ہے۔

‏ علی زیدی کا کہنا تھا کہ حکومت کی پہلی ترجیح لوگوں کی حفاظت ہے، اگر کسی بھی پائلٹ میں شک ہے تو اسے گراؤنڈ کر دیا ہے جبکہ236پائلٹس کےلائسنس میں بےضابطگیاں تھی جن کو فوری طور پر گراؤنڈکیاگیا ہے۔

28 پائلٹس کے خلاف کارروائی کی جارہی ہے، شہزاد اکبر

‏ وفاقی وزیر برائے بحری امور کا یہ بھی کہنا تھا کہ بےضابطگیوں میں جو جو لوگ ملوث تھے ان کو بھی معطل کردیاگیاہے جبکہ معطل افراد میں سی اے اے  کے5 لوگ شامل ہیں،جس کی تحقیقات جاری ہیں۔

‏ علی زیدی نے کہا کہ مشاہد اللہ نے پی آئی اے میں جو ڈرامے کیےوہ سب کو پتا ہیں، انھوں نے پی آئی اےمیں ہرجگہ اپنے رشتے دار لگائےہوئےتھے لیکن سیاسی اثرورسوخ پر کسی کو بھی نہیں چھوڑا جائے گا۔

اپنے بیان میں وفاقی وزیر برائے بحری امور علی زیدی نے مزید کہا کہ سول ایوی ایشن اتھارٹی نے آئی ٹی  سسٹم کو اپ گریڈ اورمضبوط بنایا جب کہ چند ماہ میں سول ایوی ایشن کا شمار دنیا کی ٹاپ اتھارٹیز میں ہو گا۔