اسلام آباد: پی ٹی اے کی جانب سے بپ جی پر عارضی پابندی کے معاملے پر پب جی موبائل کلب اوپن پاکستان کے چیمپئنز نے عدالت سے رجوع کرلیا ہے۔

پب جی کے چیمپئنز نے عدالت سے رجوع کرتے ہوئے ٹیم فری اسٹائل نے پی ٹی اے کی جانب عارضی پابندی کےخلاف درخواست دائر کردی ہے۔

دراخواست میں کہا گیا ہے کہ پاکستان ٹیلی کمونیکیشن کی جانب سے پب جی موبائل گیم عارضی معطل کردیا گیا ہے اور اس گیم کی معطلی سے چیمپئنز کے کیریئر کو نقصان پہنچ رہا ہے۔

پب جی پر عارضی پابندی، وقار ذکا کا قانونی چارہ جوئی کا اعلان

درخواست میں یہ بھی کہا گیا ہے کہ پب جی کے باعث پاکستان کے چیمپئن ہونے پر ہمیں ورلڈ لیگ میں جگہ ملی تھی اور ورلڈ لیگ کے میچز 10 جولائی سے شروع ہونے جارہے ہیں۔

مزید بتایا گیا ہے کہ کورونا کے باعث رواں سال ورلڈ لیگ آن لائن ہوگا اور اگر گیم پر پابندی لگتی ہے تو پاکستان سے ورلڈ لیگ کی سلاٹ چھین لی جائے گی۔

پب جی پاکستان کے چیمپئن عبدالحسیب نے کہا ہے کہ پب جی کے خلاف دائر کردہ درخواست کی سماعت پیر کو ہوگی۔

پاکستان میں پب جی گیم پر پابندی عائد

واضح رہے کہ اس سے قبل ترجمان پی ٹی اے کی جانب سے جاری کردہ اعلامیہ کے مطابق پب جی گیم کی سروس پاکستان میں عارضی طور پر معطل کی گئی جبکہ پب جی گیم کے حوالے سے مشاورت جاری ہے کہ گیم پر کتنی پابندی لگانی ہے یا مکمل پابندی عائد کرنی ہے اور حتمی فیصلہ مشاورت کے بعد کیا جائے گا۔

 پب جی  گیم کیھلنے کی اجازت نہ ملنے پر لاہور میں دو بچوں نے خودکشی کی  تھی جبکہ ورثاء کی جانب سے لاہور ہائی کورٹ سے رجوع کیا گیا تھا۔

آئی جی پولیس نے بھی پی ٹی اے کو پب جی گیم بند کرنے کے حوالے سے خط ارسال کیا تھا۔

پب جی پر پابندی لگوانے کا فیصلہ

یاد رہے کہ آن لائن گیم پب جی کے نشے میں چور 2  نوجوانوں نے موت کو گلے لگا لیا تھا۔

والدين نے بيٹے کو آن لائن گيم کھيلنے سے منع کيا تھا، زکريا  نامی نوجوان نے  دلبرداشتہ ہو کر پنکھے سے لٹک کر جان دیدی۔

ڈی آئی جی آپریشنز لاہور اشفاق خان کا کہنا تھا کہ پب جی گیم آئس  سے زیادہ خطرناک اور ڈیجیٹل نشہ بنتا جارہا ہے، چار دن میں 2 نوجوانوں کا خود کشی کرنا افسوسناک واقعہ ہے۔

لاہور پولیس نے گیم پر پابندی لگوانے کا فیصلہ کرتے ہوئے پی ٹی اے اور ایف آئی اے کو خط لکھنے کا فیصلہ کر لیا گیا تھا۔