فیڈرل بورڈ آف ریونیو (ایف بی آر) کی حال ہی میں تعینات ہونے والی چیئرپرسن کی تبدیلی کی اصل وجوہات منظر عام پر آگئی ہیں۔
ذرائع کا کہنا ہے کہ سابق چیئرپرسن ایف بی آر نوشین جاوید امجد کو حکومتی اتحادی پارٹی کے کہنے پر تبدیل کیا گیا ہے کیونکہ بی این پی کے سینیٹر کہدہ بابر نے نوشین جاوید امجد کے رویئے کے متعلق چیئرمین سینیٹ کو خط لکھا تھا۔
ذرائع نے بتایا ہے کہ بی این پی کے سینیٹر کی جانب سے چیئرمین سینیٹ کو لکھے جانے والے خط کے پیش نظر چیئرمین سینیٹ نے نوشین جاوید امجد کے خلاف کارروائی کا عندیہ دے دیا تھا۔
نوشین جاوید امجد قائم مقام چیئرپرسن ایف بی آر مقرر
بات صرف یہاں تک کی نہیں ہے بلکہ ایوان بالا کی جانب سے بھی ان کے رویئے پر کئی مرتبہ برہمی کا اظہار کیا گیا ہے۔
Advertisement
چیئرپرسن ایف بی آر نوشین جاوید امجد چیئرمین سینیٹ کے بار بار بلانے پر بھی ایوان میں پیش نہیں ہوئی تھیں۔
دوسری جانب ایف بی آر کے ذرائع کا کہنا ہے کہ حکومت نئے مالی سال کے اہداف کے حصول کیلئے نیا چیئرمین لانا چاہتی ہے۔
یاد رہے کہ نوشین جاوید امجد کی ریٹائرمنٹ میں کچھ عرصہ باقی ہے۔
رواں سال فروری کے مہینے میں شبر زیدی کی جگہ نوشین جاوید امجد کو چیئرپرسن ایف بی آر تعینات کیا گیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
