شہرقائد میں بوندا باندی کاآغاز ہوگیا

وریشہ مسعود

05th Jul, 2020. 07:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہرقائد میں بوندا باندی کاآغاز ہوگیا

شہرقائد کے مختلف علاقوں میں بوندا باندی کاآغاز ہوگیا ہے۔

تفصیلات کے مطابق کراچی کے مختلف علاقوں میں بوندا باندی کے ساتھ تیزہوائیں بھی چل رہی ہیں جس سے موسم خوشگوار ہوگیا ہے۔

محکمہ موسمیات کے مطابق شہرقائد میں اس وقت 40 سے 44 کلو میٹر فی گھنٹہ کی رفتار سے ہوا چل رہی ہے جبکہ شہر کے شمالی اور غربی علاقوں میں گرد آلود ہوائیں چل رہی ہے۔

دوسری جانب کراچی کے علاقے بہادرآباد, گلستان جوہر و ملحقہ علاقوں میں مٹی کا طوفان اُمڈ آیا جس نے ہر شخص کو خوفزدہ کردیا جبکہ 40 تا 45 کلو میٹر فی گھنٹہ کی رفتار سے گرد آلود ہوائیں چل رہی ہیں۔

گرج چمک کے ساتھ بارش کا الرٹ جاری

یاد رہے اس سے قبل شہرقائد میں آج ( اتوار) رات سے گرج چمک کے ساتھ بارش کا الرٹ جاری کردیا گیا تھا۔

محکمہ موسمیات کا کہنا تھا کہ پیر،منگل کو موسلادھار بارش سے کراچی،ٹھٹھہ،حیدرآباد،بدین میں اربن فلڈکاخطرہ ہے، تمام ادارے احتیاطی تدابیر پر عمل کریں۔

واضح رہےکہ بارشوں کے ساتھ ساتھ آسمانی بجلی گرنے کے امکانات بھی ہیں اور تیز ہوائوں کے سبب بڑے پیمانے پر تباہی پھیلنے کا خدشہ ہے، تمام متعلقہ ادارے مون سون کی بارشوں سے پہلے تمام احتیاطی تدابیروں پر عمل درآمد کریں۔