دبئی حکومت نے خوشخبری سنادی ہے۔

تفصیلات کے مطابق محکمہ سیاحت کی جانب سے آج بروز منگل سے دبئی کو سیاحت دنیا بھر سے آنے والے سیاحوں کیلئے کھول دیا گیا ہے۔

اس حوالے سے دبئی محکمہ سیاحت نے کہا ہے کہ منگل 7 جولائی سے ریاست میں سیاحوں کو خوش آمدید کہا جائے گا۔

یاد رہے کہ سیاحوں پر عمر کے حوالے سے کوئی پابندی نہیں لگائی گئی ہے۔

غیر ملکی خبر رساں ادارے کے مطابق دبئی محکمہ سیاحت نے دبئی سفر کے حوالے سے 4 قواعد و ضوابط کا اعلان کیا ہے۔

خیال رہے کہ پہلا یہ کہ سیاح کو سفر سے قبل یہ چیک کرانا ہوگا کہ آیا اسے دبئی کا ویزا لینا ضروری ہے یا نہیں اور دبئی آمد ورفت کی بکنگ کرانی ہوگی۔

دوسرا یہ کہ عالمی وبا میں مبتلا ہونے کی صورت میں اس کے اخراجات ادا کرنا ہوں گے۔

جبکہ تیسرا یہ کہ سفر سے 96 گھنٹے قبل پی سی آر ٹیسٹ کرانا بھی لازمی ہوگا۔

دوسری جانب دبئی محکمہ سیاحت کا یہ بھی کہنا ہے کہ دبئی پہنچنے پر پی سی آر کی سہولت مہیا ہوگی البتہ دبئی آنے پر یہ ٹیسٹ کرانے کی صورت میں سیاح کو اس کا رزلٹ آنے تک خود کو آئسولیٹ کرنا ہوگا۔

تاہم محکمہ سیاحت کے مطابق اگر پی سی آر کا رزلٹ منفی آیا تو ایسی صورت میں سیاح ہوٹل سے نکل کر گھوم پھر سکتا ہے۔

البتہ ٹیسٹ پوزیٹو آیا تو اسے ایسی صورت میں دبئی محکمہ صحت کے ضوابط کی پابندی کرتے ہوئے خود کو ہاؤس آئسولیشن میں رکھنا ہوگا۔

اس کے علاوہ دبئی جانے والوں کو سفر سے قبل میڈیکل فارم پر کرنا ہوگا اور قرنطینہ کی پابندی کا اقرار نامہ بھی پیش کرنا ہوگا۔

واضح رہے کہ امارات ایئر اور فلائی دبئی اب تک 76 شہروں کے لیے پروازوں کا اعلان کرچکی ہیں۔