پاکستان میں پائلٹوں کے مشتبہ لائسنس کے معالے پر یورپی یونین ایئر سیفٹی ایجنسی کی جانب سے پاکستان سول ایوی ایشن اتھارٹی کے ساتھ اہم اجلاس طلب کرلیا گیا ہے۔

یاد رہے کہ اجلاس ٹیلی کانفرنس کے ذریعے کل 9 جولائی کو ہوگا۔

 پاکستان سول ایوی ایشن اتھارٹی کے ڈائریکٹر جنرل، ایڈیشنل ڈائریکٹر جنرل، ڈپٹی ڈائریکٹر جنرل ریگولیٹری، ڈائریکٹر ایئر وردی نیس اور ڈائریکٹر فلائٹ اسٹیندرڈ نے ٹیلی کانفرنس میں شرکت کی یقین دہانی کرادی ہے۔

برسلز میں منعقد ٹیلی فونک میٹنگ کی سربراہی یورپی یونین ایئر سیفٹی ریگولیشن کے فلپ کورنیلس کریں گے جبکہ ٹیلی کانفرنس اجلاس کل 9 جولائی کو پاکستانی وقت دوپہر ایک بجے شروع ہوگا۔

ٹیلی فونک میٹنگ میں یورپی یونین ایئر سیفٹی ریگولیشن نے سول ایوی ایشن اتھارٹی کی جانب سے پائلٹوں اور انجینئرز  لائسنس معاملے پر بات ہوگی جس پر ڈی جی سی اے اے مشکوک لائسنس معاملے پر وضاحت دینگے۔

اجلاس کے ایجنڈے میں سول ایوی ایشن کی جانب سے لائسنس کے اجرائ کا طریقہ کار پر بھی وضاحت مانگی گئی ہے۔

یورپی سیفٹی ایجنسی نے 21 جولائی تک جاری ہونے والے سول ایوی ایشن اتھارٹی  کے لائسنس کی تفصیلات بھی طلب کر لی ہیں۔

خیال رہے کہ پاکستانی پائلٹوں کے مشکوک لائسنس کا اسکینڈل منظر عام پر آنے کے بعد یورپی یونین نے پہلے ہی 6 ماہ کی پروازوں کی بندش کر رکھی ہے۔