کراچی میں سچل دستی بم حملے کی بم ڈسپوزل نے ابتدائی رپورٹ تیار کرلی گئی۔

تفصیلات کے مطابق کراچی میں سچل دستی بم حملے  کی بی ڈی ایس رپورٹ میں کہا گیا ہے کہ جائے وقوعہ سے دستی بم کا لیور ملا ، حملے کیلئے دستی بم آر جی ڈی ون استعمال کیا گیا۔

 بی ڈی ایس رپورٹ میں کہا گیا ہے کہ دستی بم روسی ساختہ ہے ، اس سے قبل لیاقت آباد دستی بم حملے میں بھی آر جی ڈی ون گرنیڈ ہی استعمال کیا گیا تھا۔

 تفتیشی حکام کا کہنا ہے کہ ممکنہ طور پر دونوں واقعات میں ایک ہی گروہ ملوث ہے ۔

یاد رہے کہ کراچی کے علاقے سچل میں دہشتگردوں نے ایک دکان پر دستی بم حملہ کردیا جس کے نتیجے میں دکان کا مالک جاں بحق ہوگیا۔

سینیئر سپرنٹنڈنٹ آف پولیس ( ایس ایس پی) ضلع شرقی کے مطابق سچل بلاول گوٹھ میں دکان پر دستی بم حملہ کیا گیا ، حملہ آورموٹرسائیکل پرسوارتھےاور حملے میں جاں بحق شخص رینجرزکا ریٹائرڈ ملازم تھا۔

بیکری پر دستی بم حملے ، ایک شخص جاں بحق

خیال رہے کہ جون کے مہینے میں بھی کراچی، لاڑکانہ اور گھوٹکی میں مختلف اوقات میں رینجرز پر حملے کیے گئے تھے جن میں روسی ساختہ دستی بم استعمال ہوئے تھے۔

سیکیورٹی اور تفتیشی حکام کے مطابق کراچی میں رینجرز پر حملے کے لیے روسی ساختہ ہینڈ گرینیڈ استعمال کیا گیا اور موقع سے اداروں کو روسی ساختہ گرینیڈ کی پلیٹ ملی تھی۔