مشیر تجارت عبدالرزاق داؤد نے کہا ہے کہ جیو گرافکل انڈی کیشن قانون پاکستان کے برانڈز کے تحفظ کو یقینی بنائے گا۔

تفصیلات کے مطابق اسلام آباد میں مشیر تجارت عبدالرزاق داؤد کی زیر صدارت اجلاس ہوا جس میں جیو گرافکل انڈی کیشن لاء کے حوالے سے تفصیلی بات چیت کی گئی۔

عبد الرزاق داؤد نے کہا کہ جیوگرافکل انڈی کیشن قانون ہماری مقامی مصنوعات پشاوری چپل، ہالہ کی اجرک، تربت کجھوروغیرہ کوپروٹیکٹ کریگا۔

 مشیر تجارت نے یہ بھی کہا کہ حکومت کی پالیس ہے کہ عالمی مارکیٹ میں اپنے مقامی مصنوعات کی اچھی قیمت حاصل کریں لیکن بہت سی کمپنیاں ہماری یہ مصنوعات اوریجن کی برینڈنگ کے بغیر یہ فروخت کر رہی ہیں

عبد الرزاق داؤد کا کہنا ہے کہ جی آئی قانون کے نفاذ کیلئے قائمہ کمیٹی تجارت نے وزارت اور پارلیمنٹ کے درمیان کوآرڈینیشن کو سراہا ہے۔

ہم کاروباری ماحول کو بہتر بنانے میں کامیاب ہوئے ہیں، مشیر تجارت

 مشیر تجارت عبد الرزاق داؤد کا مزید کہنا ہے کہ پاکستان نے مارچ 2020 میں جیو گرافکل انڈی کیشن قانون نافذ کیا جو کہ حکومت اور پارلیمنٹ کی تاریخی کامیابی ہے اور یہ قانون پاکستان کے برانڈز کے تحفظ کو یقینی بنائے گا۔

 واضح رہے اس سے قبل مشیر تجارت عبدالرزاق داؤد کی صدارت میں وزارت تجارت کے تھنک ٹینک کا اجلاس ہوا ، جس میں کورونا وائرس کے باعث معیشت پر پڑنے والے اثرات کو کم کرنے پر غور کیا گیا  اور صنعتی شعبے کے نمائندوں نے حکومت کو تجاویز سے بھی آگاہ کیا ۔

اس موقع پر مشیر تجارت نے کہا تھا کہ کورونا وائرس کے باعث پوری دنیا میں تبدیلیاں رونما ہورہی ہیں، پاکستان کو بھی جدید تقاضوں کے مطابق ملکی معیشت کو آگے بڑھانا ہوگا۔

صنعتوں کی بہتری کیلئے اقدامات کئے جائیں گے، مشیر تجارت

  عبدالرزاق داؤد نے یہ بھی کہا تھا کہ یہ صورتحال بزنس ماڈل کو نئی شکل دینے کا ایک موقع ہے، عالمی مارکیٹ تک برآمدات کی رسائی سمیت خدمات کے شعبے میں نئی راہیں تلاش کرنی ہونگی۔