صوبائی وزیر ٹرانسپورٹ اویس شاہ نے کہا ہے کہ آج جو شاہراہ بلاک کی گئی وہ اقدام غیرقانونی ہے۔

تفصیلات کے مطابق صوبائی وزیر ٹرانسپورٹ اویس شاہ نے اپنے ایک بیان میں کہا کہ آج کے احتجاج میں ٹرانسپورٹز نہیں تھے بلکہ غیر قانونی اڈوں کے ملکان شامل تھے۔

اویس شاہ نے کہا کہ حقیقی ٹرانسپورٹز سندھ حکومت کے فیصلہ کو مان بھی رہے ہیں اور تسلیم بھی کر رہے ہیں، فیصلہ کے بعد ہی پورے ملک میں ٹرانسپورٹ چلائی جائی گی۔

صوبائی وزیر ٹرانسپورٹ اویس شاہ نے مزید کہا کہ ٹرانسپورٹرز نے ملاقات میں یقین دہانی کرائی ہے کے سندھ حکومت کے اس اقدام کو سرہاتے ہیں جو کورونا کے باعث کیے گئے جبکہ نوٹیفکشن کے بعد ہی ٹرانسپورٹ  سڑکوں پر لائی جائیں گی۔

ٹرانسپورٹ کی بندش کے خلاف سپر ہائی وے پراحتجاج ختم

یاد رہے اس سے قبل پونے گھنٹے سپرہائی وے بلاک کرنے کے بعد پولیس سے مذاکرات کے بعد احتجاج ختم کرکےٹریفک بحال کردی گئی تھی۔

 اس موقع پر فکس اٹ کے بانی اور پی ٹی آئی کے رکن قومی اسمبلی عالم گیر خان نے صوبائی حکومت سے بین الصوبائی ٹرانپورٹ بحال کرنے کا مطالبہ کرتے ہوئے کہا تھا کہ حکومت کی جانب سے تمام شعبوں کو کھول دیا گیا ہے تاہم صوبائی حکومت بین الصوبائی ٹرانسپورٹ کو بند کرکے لوگوں کی مشکلات بڑھا رہی ہے۔

پی ٹی آئی کے رکن قومی اسمبلی عالم گیر خان نے مزید کہا تھا کہ تمام ٹرانسپورٹرز کو ایس او پیز کے ساتھ ٹرانسپورٹس کھولنے کی اجازت دی جائے، حکومت فوری طور پر اس حوالے سے فیصلہ کرنے بصور دیگر وزیر اعلیٰ ہاوس پر دھرنا دیا جائے گا۔