گورنر پنجاب چوہدری محمد سرور نے کہا ہے کہ حالات میں مزید بہتری کے لئے عوام کا تعاون ضروری ہے۔

تفصیلات کے مطابق گورنر پنجاب چوہدری محمد سرور نے وفاقی وزیر داخلہ اعجاز احمد شاہ سے ملاقات کی ،جس میں چوہدری محمد سرور نے وزیر داخلہ سے انکے بھائی حسن احمد شاہ کے انتقال پر اظہارِ تعزیت کی اور فاتحہ خوانی بھی کی گئی۔

گورنر پبجاب نے کہا کہ اللہ تعالی حسن احمد شاہ کے اہل خانہ کو صبر جمیل عطا فرمائے، مرحوم کی سیاسی خدمات کو ہمیشہ یاد رکھا جائے گا۔

چوہدری محمد سرور نے یہ بھی کہا کہ ملک میں حالات تیزی سے بہتری کی طرف جارہے ہیں مگر مزید بہتری کے لئے عوام کا تعاون ضروری ہے۔

اعجاز احمد شاہ سے تر کی کے ڈپٹی وزیرداخلہ کی ملاقات

وفاقی وزیر داخلہ اعجاز احمد شاہ سے ملاقات میں گورنر پنجاب چوہدری محمد سرور نے مزید کہا کہ عوام سے اپیل ہےکہ لاک ڈاؤن میں اداروں سے تعاون کریں۔

یاد رہے اس سے قبل وفاقی وزیر داخلہ اعجاز احمد شاہ کے بھائی پیر حسن احمد انتقال کر گئے تھے۔

خاندانی ذرائع کا کہنا تھا کہ پیر احمد لاہور کے اسپتال میں زیر علاج  تھے جہاں وہ اپنے خالق حقیقی سے جا ملے۔

وفاقی وزیر اطلاعات شبلی فراز سمیت دیگر  وزراء نے وفاقی وزیر داخلہ اعجاز شاہ کے چھوٹے بھائی کے انتقال پر اظہار تعزیت کی تھی۔