وزیرخارجہ مخدوم شاہ محمود قریشی نے کہا ہے کہ اب جنوبی پنجاب سیکریٹیریٹ ملتان میں بھی قائم ہوگا۔

تفصیلات کے مطابق وزیرخارجہ مخدوم شاہ محمود قریشی نے جنوبی پنجاب سیکریٹیریٹ کے حوالے سے اہم ویڈیو پیغام میں کہا کہ آج جنوبی پنجاب کے تمام ایم. این ایز میں پارلیمنٹ کے کانسٹیٹیوشن روم میں وزیراعظم عمران خان سے ملاقات کی۔

وزیرخارجہ نے کہا کہ چیف سیکرٹری اور آئی جی پولیس ساؤتھ پنجاب کی تعیناتیاں عمل میں آچکی ہیں، حسب وعدہ جنوبی پنجاب کے وعدے کو عملی جامہ پہنانے کے عمل کے آغاز پر، تمام ایم این ایز نے وزیر اعظم عمران خان کا شکریہ ادا کیا

شاہ محمود قریشی نے یہ بھی کہا کہ میں جنوبی پنجاب کے لوگوں کو ملتان اور بہاولپور کے لوگوں کو، وزیر اعلٰی عثمان بزدار صاحب کو مبارکباد پیش کرتا ہوں جنہوں نے ہماری معاونت بھی فرمائی جبکہ یہ ملتان کے باسیوں کے لیے عید کا تحفہ ہے۔

اسمارٹ لاک ڈاؤن سے کورونا کے پھیلاؤ میں کمی آئی، وزیرخارجہ

وزیرخارجہ کا کہنا تھا کہ تعلیم کا شعبہ ہو، صحت کا ہو یا ریونیو کا، چیف سیکرٹری جنوبی پنجاب مکمل بااختیار ہونگے اور جنوبی پنجاب کے لوگوں کو لاہور نہیں جانا پڑے گا۔

شاہ محمود قریشی کا یہ بھی کہنا تھا کہ ملتان اور بہاولپور دونوں اہم مقامات ہیں، دوسری پیش رفت جو آج ہوئی ہے وہ یہ ہے کہ وزیراعظم عمران خان صاحب نے فیصلہ سنا دیا ہے کہ اب جنوبی پنجاب سیکریٹیریٹ ملتان میں بھی قائم ہو گا۔

اپنے بیان میں وزیرخارجہ مخدوم شاہ محمود قریشی نے مزید کہا کہ وزیر اعظم عمران خان صاحب کی ہدایت پر عید کے بعد، میں، مخدوم خسرو بختیار اور دیگر ممبران کے ساتھ وزیر اعلیٰ پنجاب عثمان بزدار صاحب سے ملاقات کریں گے اور ان معاملات کو حتمی شکل دیں گے۔