بانیِ پاکستان محمد علی جناح25دسمبر 1876 کو کراچی کے جس گھر میں پیدا ہوئےاسے وزیرمینشن  کے نام سے جانا جاتا ہےاور یہ  کراچی کےاولڈ سٹی ایریا کے علاقے کھارادر میں واقعہ ہے۔

قائد اعظم محمد علی جناح 1890 تک یہاں قیام پذیر رہے، قائد اعظم کے تمام بہن بھائیوں کی ولادت بھی اسی عمارت میں ہوئی۔

سن 1953 میں حکومت پاکستان نے عمارت کو اس کے مالک سے خرید کر باقاعدہ قومی ورثے کا درجہ دے دیا۔اس کے گراونڈ فلور کو ریڈنگ ہال جبکہ پہلی منزل کو گیلری بنایا گیا اور 14 اگست 1953 کو عوام کے لئے کھول دیا گیا۔

ایک گیلری کا اضافہ اس وقت کیا گیا جب 1982 میں قائد اعظم کی ایک اور بہن شیریں جناح نے مزید تاریخی نوادرات ’قائد اعظم ریلکس کمیشن ‘کے حوالے کیں۔

دو منزلوں پر مشتمل گیلریوں میں قائداعظم کا فرنیچر ، ان کے کپڑے ، ان کی اسٹیشنری ، ان کی ذاتی ڈائری اور ان کی دوسری بیوی رتن بائی کے استعمال کی اشیا کی نمائش کی گئی ہے۔

سب سے اہم اثاثہ جو وزیر مینشن کے علاوہ کہیں اور میسر نہیں وہ قائداعظم کی قانون کی کتابیں ہیں جن کی مدد سے وہ مقدمات کی پیروی کیا کرتے تھے۔

1992میں جنوبی افریقاکے انقلابی رہنما نیلسن منڈیلا جب پاکستان تشریف لائے تو انہوں نےوزیر مینشن کا دورہ کیا اور تاریخی کلمات لکھے جو اب تاریخ کا حصہ  ہیں ۔