وزیر خارجہ شاہ محمود قریشی نے کہا ہے کہ بھارت کی بھرپور کوشش ہے کہ پاکستان کو بلیک لسٹ میں دھکیلا جائے جبکہ ہماری بھرپور کوشش رہی کہ ہم پاکستان کو گرے لسٹ سے نکال کر وائٹ لسٹ میں شامل کروائیں ۔

وزیر خارجہ شاہ محمود قریشی نے سینیٹ کے اجلاس میں پالیسی بیان دیتے ہوئے کہا کہ بھارت کی بھرپور کوشش ہے کہ پاکستان کو بلیک لسٹ میں دھکیلا جائے جبکہ ہماری بھرپور کوشش رہی کہ ہم پاکستان کو گرے لسٹ سے نکال کر وائٹ لسٹ میں شامل کروائیں۔

انہوں نے کہا کہ ہمارے لاکھ اختلافات ہوں ہم کشمیر کے مسئلے پر سب ایک ہیں سینٹ نے ثابت کیا کہ یہ ایوان بالا وفاق کا نمائندہ ہےاور لاکھ سیاسی اختلافات کے باوجود قومی مفادات کے تحفظ کیلئے ہم سب ایک ہیں۔

شاہ محمود قریشی کا کہنا تھا کہ ہم نے اپنی ذمہ داری پوری کی تاکہ پاکستان سرخرو ہو سکے اور بھارت کو کوئی بہانہ نہ مل سکے جہاں تک فیر ٹرائیل کا تعلق ہے تو یہ کلبھوشن جادیو تک نہیں ہے یہ آنے والے تمام وقتوں کیلئے ہے ہندوستان کے عزائم کو خاک میں ملا دیا ہے اور ہندوستان کو ایک مرتبہ پھر منہ کی کھانا پڑے گی قانون سازی کو فوری ایشیا پیسفک گروپ میں بھجوائیں گے تاکہ وہ اس کا جائزہ لے کر اسے آئندہ اکتوبر میں ہونیوالے پلیمری کے اجلاس میں پیش کر سکیں۔